بۇل تۋرالى مەملەكەت باسشىسى قاسىم-جومارت توقاەۆ توتەنشە جاعداي ەنگىزىلۋىنە بايلانىستى قازاقستان حالقىنا ۇندەۋىندە ايتتى.
«كوروناۆيرۋستىڭ تارالۋى الاڭداتىپ وتىر. بۇل ىندەت كۇننەن-كۇنگە ۋشىعىپ بارادى. وكىنىشكە قاراي, وسى دەرت ءبىزدىڭ ەلىمىزدە دە تىركەلدى. مەنىڭ كەشەگى جارلىعىممەن بۇگىن تاڭعى ساعات 08:00-دەن باستاپ قازاقستان اۋماعىندا توتەنشە جاعداي ەنگىزىلدى. توتەنشە جاعداي رەجىمى 30 تاۋلىككە سوزىلادى» دەدى قاسىم-جومارت توقاەۆ.
سونداي-اق ول پرەزيدەنت جانىنان مەملەكەتتىك كوميسسيا قۇرىلعانىن اتاپ ءوتتى.
«پرەزيدەنت جانىنان مەملەكەتتىك كوميسسيا قۇرىلدى. ونى پرەمەر-مينيستر باسقارادى. بارلىق قاجەتتى الدىن الۋ شارالارى جۇزەگە اسىرىلادى. قوعامدىق ءتارتىپ قاتاڭ باقىلاۋعا الىنادى. كوپشىلىك قاتىساتىن شارالار توقتاتىلدى. كوپتەگەن ازاماتىمىزدىڭ الداعى مەرەكە كۇندەرىنە وراي جوسپار قۇراتىنىن تۇسىنەمىن. دەگەنمەن, بۇكىل حالىقتىڭ دەنساۋلىعى ءۇشىن وسىنداي شەشىم قابالداپ وتىرمىز» دەدى پرەزيدەنت.