دەنساۋلىق ساقتاۋ ءمينيسترى ەلجان ءبىرتانوۆ كوروناۆيرۋس جۇقتىرعان جولاۋشى انىقتالعان «فرانكفۋرت-الماتى» رەيسىندە قاي ەلدەردىڭ ازاماتتارى بولعانىن ايتتى.
«فرانكفۋرت-الماتى» اۋە باعدارى تۇراقتى رەيس بولىپ سانالادى جانە جولاۋشىلار ورتاق تەرمينال ارقىلى شىقتى. ءبىز 73 جولاۋشىنى انىقتادىق, ونىڭ 41-ءى قازاقستان ازاماتى, ال قالعاندارى باسقا ەلدەردىڭ تۇرعىندارى. اتاپ ايقاندا, ەڭ كوبى گەرمانيا ازاماتتارى بولسا, 16-سى باسقا ەلدەردىڭ ازاماتتارى» دەدى مينيستر ورتالىق كوممۋنيكاتسيالار قىزمەتىندەگى بريفينگتە.
ەلجان ءبىرتانوۆ كوروناۆيرۋس ينفەكتسياسىن جۇقتىرعان قازاقستاننىڭ ەكى ازاماتى گەرمانيادان كەلگەنىن ءمالىم ەتتى. سونىمەن قاتار كوروناۆيرۋس جۇقتىرعان قازاقستان ازاماتتارىمەن ءبىر بورتتا بولعان جولاۋشىلار كارانتينگە جاتقىزىلاتىنى ايتىلدى.