ناۋرىزدىڭ 10-12-ءشى جۇلدىزىندا وتكىزىلگەن ۋەفا اياسىنداعى ويىندار بيىلعى ماۋسىمنىڭ سوڭعى ماتچتارى بولۋى ابدەن مۇمكىن.
الەمدى جايلاپ بارا جاتقان COVID-19 ۆيرۋسى زيانىن فۋتبولعا دا تيگىزدى. العاشقى ۋاقىتتا جۇقپالى دەرتكە شالدىعىپ قالماۋ ماقساتىندا بارلىق ويىندى جانكۇيەرلەرسىز وتكىزۋگە شەشىم قابىلدانعان بولاتىن. الايدا «يۋۆەنتۋس» ويىنشىسى دانيەل رۋگاني دەرتكە شالدىقتى دەگەن رەسمي اقپارات الداعى ۋاقىتقا جوسپارلاعان ۋەفا چەمپيوندار ليگاسى مەن ەۋروپا ليگاسىنىڭ كەزدەسۋلەرىن از دەگەندە ءبىر ايعا شەگەرەتىن بولدى. بۇل – كارى قۇرلىقتىڭ باس دوداسىن تەلەديدار الدىندا تەلمىرىپ كورەتىن جانكۇيەرلەرگە جاعىمسىز جاڭالىق. سونىمەن, فۋتبول جانكۇيەرلەرى نازارىن ءبىر ۋاقىت ەل بىرىنشىلىگىنە بولە تۇرۋعا تۋرا كەلەدى.
قۇرامى 55 مۇشەدەن تۇراتىن ۋەفا ۇيىمنىڭ باستاۋىمەن 17 ناۋرىز كۇنى ۆيدەوكونفەرەنتسيا وتەدى. سول جيىندا ۋەفا چەمپيوندار ليگاسى مەن ەۋروپا ليگاسى جانە ەكى جىلدا ءبىر كەلەتىن ەۋرو-2020 باسەكەسىنىڭ الداعى ۋاقىتتاعى تاعدىرى شەشىلمەك.
بولتىرىك نۇرتاي,
جۋرناليست