تەمىر جول ۆوكزالىنىڭ قىزمەتكەرلەرى پروفيلاكتيكالىق ءىس-شارالار وتكىزدى, كوروناۆيرۋس سOVID-19 اۋرۋىنىڭ نەگىزگى بەلگىلەرى ءتۇسىندىرىلدى, بۇل - باس اۋرۋى, تۇماۋ, كەۋدە اۋرۋى, بەزگەك, جوعارى تەمپەراتۋرا, جۇرەكتىڭ ءجيى سوعۋى جانە ءجيى تىنىس الۋ. بۇل تۋرالى يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتى حابارلادى.
«قازىرگى ۋاقىتتا ۆوكزال قىزمەتكەرلەرى قاجەتتى ساقتىق شارالارىن ساقتاۋدا: تىنىس الۋ ورگاندارىن قورعاۋ قۇرالدارىن (ماسكالاردى) پايدالانۋ جانە قولدى تۇراقتى نەگىزدە دەزينفەكتسيالاۋ.
ەلوردا ۆوكزالدارىنىڭ عيماراتتارىندا ورناتىلعان LED ەكرانداردا تاقىرىپتىق روليكتەر كورسەتىلۋدە جانە دەزينفەكتسيالاۋ قۇرالدارى بار ديسپەنسەرلەردى ورناتۋ بويىنشا جۇمىستار جۇرگىزىلىپ جاتىر.
ەستەرىڭىزگە سالا كەتەيىك, 1 اقپاننان باستاپ كەلەسى تەمىرجول جولاۋشىلار باعىتتارى توقتاتىلدى:
- №103/104 ء«ۇرىمشى – الماتى», قىتاي تەمىر جولىنىڭ پويىزى ء(ۇرىمشى قالاسىنان سەنبى كۇندەرى 6 ۆاگون جانە الماتىدان دۇيسەنبى كۇندەرى 2 ۆاگون). التىنكول-قورعاس وتكىزۋ پۋنكتى.
- № 13/14/53/54 «نۇر-سۇلتان/الماتى – ءۇرىمشى», «قتج» ۇك» اق» پويىزى (الماتى قالاسىنان 4 ۆاگون جانە نۇر-سۇلتان قالاسىنان 4 ۆاگون سەنبى كۇندەرى جونەلتىلەتىن, ءۇرىمشى قالاسىنان دۇيسەنبى كۇندەرى جونەلتىلەتىن). دوستىق-الاشانكوۋ وتكىزۋ پۋنكتى.
سونىمەن قاتار حالىقارالىق اۆتوبۋس تاسىمالداۋشىلارىنا ۆيرۋستىق ينفەكتسيالاردىڭ الدىن الۋ شارالارى تۋرالى جادىناما, سونداي-اق, كولىك-كوممۋنيكاتسيا كەشەنى وبەكتىلەرىندە (اۆتوۆوكزالداردا, كولىكتىك باقىلاۋ بەكەتتەرىندە) كورسەتىلگەن جادىنامالاردى ورنالاستىرۋ بويىنشا حاتتار جىبەرىلدى» دەلىنگەن حابارلامادا.