فۋتبول: مەرسيسايدتىقتاردىڭ مەسەلى قايتتى

العاشقى ويىن ناتيجەسى يسپاندىقتاردىڭ پايداسىنا جازىلعانىنا قاراماستان ليۆەرپۋل جانكۇيەرلەرى قارىمتا كەزدەسۋدە ديەگو سەمەونە جىگىتتەرى «بارسەلونانىڭ» بىلتىرعى كۇيىن كەشەدى دەپ جارىسا جازدى.

ەستەرىڭىزگە سالا كەتەيىك, ليۆەرپۋل  بىلتىرعى جىلى كاتالونيادا 3:0 ەسەبىمەن بارسەلوناعا ەسە جىبەرگەنىمەن ءوز جەرىندە 4:0 ەسەبىمەن جەڭىسكە جەتكەن ەدى. سول جىلى ۋەفا كۋبوگىن يەلەنگەن بولاتىن. سول ءۇمىتتىڭ جەتەگىندە جۇرگەندەر يۋرگەن كلوپپ زيداننىڭ ەرلىگىن قايتالاپ, ەكى مارتە كارى قۇرلىقتىڭ باس باسەكەسىندە جەڭىمپاز اتانادى دەپ كۇتتى. الايدا توپتىق كەزەڭنەن ىركىلمەي شىققان مەرسيسايدتىقتاردىڭ ازۋى ءمادريتتىڭ «اتلەتيكوسىنا» باتا المادى.  ويىننىڭ ءبىرىنشى كەزەڭى اياقتالار شاقتا دجوردجينو ۆەينالدۋم سالعان دوپ «ليۆەرپۋلدى» جىگەرلەندىرگەندەي بولدى. دەگەنمەن ويىننىڭ نەگىزگى كەزەڭى 1:0 ەسەبىمەن اياقتالىپ, ويىن قوسىمشا 15 مينۋتتان تۇراتىن 2 تايمعا جالعاستى. قوسىمشا ۋاقىتتا فيرمينو ەسەپ اشقاندا اعىلشىن ەرتەگىسى جالعاسىن تاپقانداي بولىپ ەدى.  الايدا لورەنتەنىڭ قوس گولى مەن موراتتانىڭ مەرگەندىگى اعىلشىنداردى جارىستان تىس قالدىردى.  قورىتىندى ەسەپ 2:3. «اتلەتيكو» جەڭىسكە جەتتى.

يۋرگەن كلوپ جىگىتتەرى بۇعان مۇڭايا قويماس. سەبەبى اراعا 30 جىل سالىپ, بارلىق ليۆەرپۋل جانكۇيەرلەرىنىڭ ارمانى اپل چەمپيونى اتاعىن الۋعا از قالدى.

بولتىرىك نۇرتاي,

جۋرناليست