اقتوبە وبلىسى اكىمىنىڭ ورىنباسارى تەرگەۋگە الىندى. بۇل تۋرالى سىبايلاس جەمقورلىققا قارسى ءىس-قيمىل اگەنتتىگى حابارلادى.
«اگەنتتىك رۋسلان مامۋنوۆقا قاتىستى قىلمىستىق كودەكستىڭ «الاياقتىق» بابى بويىنشا تەرگەۋدى باستادى. قازىر ول نۇر – سۇلتان قالاسىنداعى پوليتسيا دەپارتامەنتىنىڭ تەرگەۋ يزولياتورىندا وتىر. ەكى ايعا قامالدى. ءىستى سىبايلاس جەمقورلىققا قارسى ءىس-قيمىل اگەنتتىگى جۇرگىزىپ جاتىر. وزگە اقپاراتتى بەرە المايمىز», - دەدى سىبايلاس جەمقورلىققا قارسى ءىس-قيمىل اگەنتتىگى وبلىستىق دەپارتامەنتى باسشىسىنىڭ ورىنباسارى عالىمبەك دوسانوۆ.