القيسسا, تۇڭعىش پرەزيدەنت ن.نازارباەۆتىڭ باسپاسوز قىزمەتى ۆ.پۋتينمەن «سيريا ماسەلەسى بويىنشا وتكەن تۇركيا-رەسەي كەلىسسوزدەرىنىڭ ناتيجەلەرى تۋرالى پىكىر الماسقاندىقتارىن جانە «استانا پروتسەسىنىڭ» ماڭىزدى ءرولى تۋرالى ايتىلعانىن» حابارلاعان بولاتىن.
رف پرەزيدەنتى ۆ.ءپۋتيننىڭ ءباسپاسوز قىزمەتى دە اتالعان سۇحباتتا «سيريا داعدارىسى» ماسەلەسىنىڭ كوتەرىلگەنىن باياندادى.
ال تۇركيانىڭ پرەزيدەنتى ر.ت.ەردوعاننىڭ ءباسپاسوز قىزمەتى, ءتورتىنشى ناۋرىزدا «ەردوعاننىڭ ماسكەۋگە جاسايتىن ءبىر كۇندىك ساپارىندا ارىپتەسى پۋتينمەن يدليپ پەن سيرياعا قاتىستى كۇنتارتىبىن قاراستىراتىنىن» مالىمدەگەن بولاتىن.
باسقاسىن ايتپاعاننىڭ وزىندە, وسى ءۇش ورتالىقتىڭ رەسمي حابارلامالارى-اق, سيريا داعدارىسىنىڭ الەمدىك گەوساياساتتىڭ باستى تاقىرىبى رەتىندە الەمنىڭ نازارىن وزىنە اۋدارىپ تۇرعانىن اڭعارتادى.
***
بەسىنشى ناۋرىزدا ماسكەۋدە وتكەن تۇرىك-ورىس كەلىسسوزدەرى (التى ساعاتتىق) ناتيجەسىندە يدليپتە قارۋلى قاقتىعىستىڭ توقتاتىلۋى, سيرياداعى داعدارىستىڭ ساياسي جولمەن شەشىلۋى, سيريانىڭ تاۋەلسىزدىگى مەن تۇتاستىعىن ساقتاۋ, تەرورلىق ۇيىمدارمەن كۇرەس, حالىققا گۋمانيتارلىق قىزمەت كورسەتۋ
تۋرالى مالىمدەمە جاسالسا دا, ايماقتاعى شيەلەنىس پەن داعدارىس تۇبەگەيلى شەشىلگەن جوق.
ر.ت.ەردوعان ماسكەۋ ساپارىنان سوڭ جۋرناليستەرگە بەرگەن سۇحباتىندا «سيريا رەجيمى كەلىسىمدى بۇزىپ, شابۋىل جاسايتىن بولسا شۇعىل جاۋاپ بەرەتىندەرىن» مالىمدەدى.
باسقاشا ايتقاندا, بۇل - ايماقتا قىرعيقاباق سالقىندىق پەن ىقتيمالدى ارانداتۋششىلىق جاعداي كۇردەلى ءارى ۋشىعىپ تۇر» دەگەن ءسوز.
***
سيرياداعى داعدارىس پەن ونىڭ شەشەشىمىنە قاتىستى ءار ورتالىقتىڭ (انكارا, ماسكەۋ, تەگەران) ۇستانىمدارى مەن مۇددەلەرى ءارتۇرلى. پروتسەسكە اقش, يزرايل, ەو, قىتاي ءوز تاراپىنان ىقپال ەتۋگە تىرىسادى. بىراق سوعان قاراماستان, ماسكەۋ كەلىسسوزدەرىندە ەردوعان مەن پۋتين باسقا دا ماسەلەلەرمەن قاتار «استانا پروتسەسىن» جالعاستىراتىندارىن مالىمدەدى.
بىزدىڭشە ءبىراز ماسەلەنىڭ ءتۇيىنى وسى «استانا پروتسەسى» ۇعىمىنىڭ توڭىرەگىندە شوعىرلانعان.
بايقاساڭىز, يدليپتەگى سوڭعى قارۋلى قاقاتىعىس, ياعني, اساد بيىلىگىنىڭ تۇرىك كونۆويىنا شابۋىل جاساۋى, 33 تۇرىك جاۋىنگەرىنىڭ قازاسى, تۇرىك تاراپىنىڭ قارىمتا شابۋىلى, اسادشىلاردىڭ (ەسەپتەرىنەن جاڭىلىپ) بىرنەشە كۇننىڭ ىشىندە تاس-تالقان بوپ شىعىنعا ۇشىراۋى ت.ب. ناۋرىز ايىندا وتەدى دەپ جوسپارلانعان «استانا پروتسەسىنىڭ» قارساڭىندا ورىن الىپ وتىر. سونداي-اق تاراپتاردىڭ مالىمدەمەسىنەن جانە ولاردىڭ ورتاق مۇددەلەرى تۇرعىسىنان «استانا پروتسەسىنە» ءۇمىت ارتاتىنى انىق اڭعارىلادى.
مىنە, سيرياداعى داعدارىستى رەتتەۋ ماسەلەسى بويىنشا قازاقستاننىڭ ميسسياسى - «استانا پروتسەسىنىڭ» 15-راۋندى بيىل دا وسىنداي كۇردەلى شارتتاردا وتپەك.
«استانا پروتسەسى» وسى ۇمىتتەردى اقتاي الا ما؟ تىعىرىقتان شىعۋ جولىن تابا الا ما؟ نەگىزى ماسەلە وسى! بىراق, بۇگىندە مىنا ماسەلەنىڭ ماڭىزى ايشىقتالا تۇسكەنى انىق, ول - جەنەۆا كەلىسسوزدەرىن تولىقتىرۋدى كوزدەيتىن «استانا پروتسەسىنىڭ» سيرياداعى جانجالدى رەتتەي الاتىن نەگىزگى پلاتفورمانىڭ ءبىرى ءارى بىردەن-ءبىر فورماتى رەتىندە ءوز ماڭىزىن ايقىنداتا ءتۇسۋى ءارى حالىقارالىق قاۋىمداستىقتا قازاقستاننىڭ ميسسياسىن مىعىمداي ءتۇسۋى.
بۇعان سيريا بويىنشا ۇستانىمدارى بولەك بولعانىنا قاراماستان كەپىلگەر ەلدەر دە, پروتسەسكە قاتىسۋشى وزگە توپتار دا, بۇۇ سەكىلدى حالىقارالىق ۇيىمدار دا مۇددەلى.
نۇرعالي ءجۇسىپباي,
تۇركولوگ-ساراپشى