بۇل تۋرالى BBC اگەنتتىگى حابارلادى.
ۇلىبريتانيانىڭ دەنساۋلىق ساقتاۋ ءمينيسترى نادين دورريس كوروناۆيرۋستى جۇقتىرعان پارلامەنتتىڭ العاشقى مۇشەسى. ۆيرۋس انىقتالعاننان كەيىن بارلىق ۇسىنىلعان ساقتىق شارالارى قابىلداندى. قازىر دورريس ءۇي جاعدايىنداعى كارانتينگە الىنعان.
ءمينيستردىڭ سوزىنشە, وزىمەن ءبىر ۇيدە تۇراتىن 84 جاستاعى اناسىنىڭ دەنساۋلىعىنا الاڭداۋلى ەكەنىن جەتكىزدى. سەيسەنبى كۇنى ءدورريستىڭ اناسىنان دا اۋرۋدىڭ بەلگىلەرى بايقالا باستاعان.
دەنساۋلىق ساقتاۋ مينيسترلىگى ءدورريستىڭ اۋرۋ بەلگىلەرى بەيسەنبى كۇنى پايدا بولعانىن مالىمدەدى. سول كۇنى ول داۋنينگ-ستريت شاراسىندا بولعان.
ەسكە سالا كەتەيىك, بۇگىنگە دەيىن ۇلىبريتانيادا ۆيرۋستان التى ادام كوز جۇمدى. وسىلايشا, اۋىرعاندار سانى 382 ادامعا جەتتى. ولاردىڭ ىشىندە انگليادا 324 ادام مەرت بولدى, شوتلانديادا - 27, سولتۇستىك يرلانديادا - 16 جانە ۋەلستە 15 ادام. سىرتقى ىستەر مينيسترلىگى ۇلىبريتانياعا يتاليادان كەلگەندەردىڭ بارلىعىنا 14 كۇنگە ءوزىن-ءوزى وقشاۋلاۋعا كەڭەس بەردى.