تۇركيادا كوروناۆيرۋس جۇقتىرعان العاشقى جاعداي تىركەلدى. بۇل تۋرالى دەنساۋلىق ساقتاۋ ءمينيسترى فاحرەتتين كودجا مالىمدەدى دەپ حابارلايدى Anadolu Agency.
«بۇگىن كەشكە كوروناۆيرۋس جۇقتىردى دەگەن كۇدىك بويىنشا ەلىمىزدىڭ ازاماتىنا تەست جاسالدى. تەست وڭ ناتيجە كورسەتتى», - دەپ حابارلادى مينيستر.
ءمينيستردىڭ ايتۋىنشا, ۆيرۋس جۇقتىرعان ەر ادام جاقىندا عانا ەۋروپادان ساياحاتتان ورالعان. كودجا قازىرگى ۋاقىتتا پاتسيەنت كارانتينگە جاتقىزىلعانىن اتاپ ءوتتى. ونىڭ دەنساۋلىق جاعدايى قاناعاتتانارلىق دەڭگەيدە دەپ باعالانعان.
سونداي اق, ناۋقاستىڭ وتباسى مۇشەلەرى جانە ناۋقاسپەن بايلانىستا بولعان ادامدار باقىلاۋعا الىندى.