قازاقستاندىق تەننيسشىلەر يۋليا پۋتينتسەۆا مەن زارينا دياس ايەلدەر تەننيسى قاۋىمداستىعىنىڭ (WTA) جاڭارعان رەيتينگىندە ورىندارىن ساقتاپ قالا المادى.
يۋليا پۋتينتسەۆا وتكەن ايداعى رەيتينگپەن سالىستىرعاندا ءبىر ساتى تومەن سىرعىپ, 33-ورىنعا جايعاستى. ال زارينا دياس ەكى ورىنعا تومەندەپ, 63-ورىنعا تۇراقتادى. بيىلدان باستاپ ەلىمىزدىڭ ءبىرىنشى راكەتكاسى اتانعان ەلەنا رىباكينا بۇل رەيتينگتە ورنىن ساقتاپ قالدى. قازىرگى تاڭدا ول رەيتينگتە 17-ورىندا تۇر.
الەمدىك رەيتينگتىڭ كوشىن اۋستراليالىق ەشلي بارتي باستاپ تۇر. ەكىنشى ورىندا رۋمىن قىزى سيمونا حالەپ بولسا, ۇزدىك ۇشتىكتى چەحيالىق كارولينا پليشكوۆا تۇيىندەدى.