سولتۇستىك قازاقستاندا جول جاعدايىن جاقسارتۋ بۇگىنگى تاڭداعى باستى مىندەتتەردىڭ ءبىرى بولىپ وتىر. كولىك اپاتتارىنىڭ كوبى ناق وسى جولدىڭ تايعاعىنان بولۋدا. كۇندىز جىلىمىقتا ەرىپ, تۇندە قاتاتىن قارعىن سۋى ەرتەڭگى تۇسكە دەيىن جولدى كوكتايعاق قىلادى. سوندىقتان جولداردى كۇتۋ مىندەتىن موينىنا العان كاسىپورىندار ۇيىلگەن قاردى جولداردىڭ بويىنان تەزىرەك اكەتىپ, قالعان بولىگىنىڭ ەرىگەن سۋى جولدا قالماي, اعىپ كەتۋى ءۇشىن سۋاعار قۇبىرلاردى ۇنەمى ارشىپ تۇرۋلارى كەرەك. وبلىستىق پوليتسيا دەپارتامەنتىنىڭ اكىمشىلىك بولىنىستەرى وسى تاپسىرمانى ۇنەمى قاداعالاپ, قاتاڭ باقىلاۋىنا العان. «جولدىڭ بويىنداعى قالىڭ قاردىڭ تازالانباۋى ءوتۋ جولدارىن دا تارىلتىپ, جول كولىك اپاتتارىنىڭ تۋ تاۋەكەلىن تۋدىرادى», دەيدى سولتۇستىك قازاقستان پوليتسيا دەپارتامەنتىنىڭ باستىعى, پولكوۆنيك مارات تولەباەۆ.
قازىر اكىمشىلىك پوليتسياسى جەرگىلىكتى اتقارۋشى ورگاندار مەن جول پايدالانۋ قىزمەتتەرىن, تج بولىمدەرىن سۋاعار قۇبىرلار مەن سۋدى توقتاتاتىن بوگەتتەردىڭ دايىندىعىن تەكسەرۋگە جۇمىلدىرۋدا. بۇگىنگە دەيىن 582 سۋاعار قۇبىرلاردىڭ 77 عانا تازارتىلعان. وسى كۇنگە دەيىن بارلىعى 207 رەت جولدىڭ جاعدايلارى تەكسەرىلىپ, ولاردان 299 كەمشىلىك تابىلدى. جەرگىلىكتى اتقارۋ ورگاندارى مەن جولدى پايدالانۋ كاسىپورىندارىنا 220 رەت ەسكەرتپە بەردى. كەيبىر جول ۋچاسكەلەرىنىڭ قاناعاتتانارلىقسىز حالدە بولعانى ءۇشىن 56 حاتتاما تولتىرىلعان. ال پەترپاۆل قالاسىنىڭ ىشكى جولدارىن كۇتۋدە قويىلعان تالاپتاردى ورىنداماعان 9 كاسىپرورىننىڭ باسشىلارى مەن اتقارۋشىلارىنا ايىپپۇل سالىندى. تالاپتى
قازىر جول بولىكتەرى تۇراقتى باقىلاۋعا الىنىپ, ەسكەرتپەلەردىڭ ورىندالۋى ىجداھاتپەن تەكسەرىلۋدە.