قحر توراعاسى سي تسزينپين سەيسەنبى كۇنى حۋبەي پروۆينتسياسىنداعى ۋحان قالاسىنا باردى. بۇل تۋرالى سينحۋا اگەنتتىگى حابارلادى.
قحر توراعاسى COVID-19 جاڭا كوروناۆيرۋس پنەۆمونياسى ءورشىپ تۇرعان قالاداعى «حوشەنشان» اۋرۋحاناسىنا ينسپەكتسيا جاساۋ ءۇشىن بارعان.
سي تسزينپين اۋرۋحانانى پايدالانۋ, ناۋقاستاردى قابىلداۋ جانە ەمدەۋ جاعدايىمەن, مەديتسينا قىزمەتكەرلەرى ءۇشىن قورعانىس شارالارىمەن, سونداي-اق ەپيدەمياعا قارسى كۇرەسكە باعىتتالعان عىلىمي زەرتتەۋلەرمەن تانىستى.
سونداي-اق ول وندا ەمدەلىپ جاتقان ناۋقاستاردى ارالاپ, ەپيدەميامەن كۇندىز-ءتۇنى كۇرەسىپ جاتقان مەديتسينا قىزمەتكەرلەرىمەن امانداستى.
ايتا كەتەرلىگى, «حوشەنشان» - COVID-19 ناۋقاستارىن ەمدەۋ ءۇشىن ارنايى 10 كۇن ىشىندە سالىنعان مىڭ ورىندىق ۋاقىتشا اۋرۋحانا.