كوروناۆيرۋس سولتۇستىك كيپر اۋماعىندا دەمالىپ جاتقان نەمىس تۋريسىنەن انىقتالدى. بۇل تۋرالى انادولى اگەنتتىگى حابارلادى.
بۇل جاعداي سولتۇستىك كيپردە العاش رەت تىركەلىپ وتىر. ارالعا 30 ادامنان تۇراتىن تۋريستىك توپتىڭ قۇرامىندا 65 جاستاعى نەمىس تۋريستىنەن كوروناۆيرۋس بەلگىلەرى انىقتالعان. قازىر ناۋقاس اۋرۋحاناعا جاتقىزىلدى, ال ول تۇراقتاعان قوناق ءۇي كارانتينگە جابىلدى.
سەيسەنبىدە كيپردىڭ دەنساۋلىق ساقتاۋ ءمينيسترى كونستانتينوس يواننۋ كوروناۆيرۋستىڭ ەلدەگى العاشقى جاعدايى تۋرالى اقپاراتتى راستادى, ەكەۋى دە - شەتەلدەن ورالعان جەرگىلىكتى تۇرعىندار. كيپر ەۋروداقتاعى كوروناۆيرۋس جۇقتىرماعان سوڭعى ەل بولعان.