نۇر-سۇلتاندا قازاقستان مەن نيدەرلاند قۇرامالارى اراسىندا ءوتىپ جاتقان دەۆيس كۋبوگىنىڭ ىرىكتەۋ ءتۋرنيرىنىڭ ەكىنشى كەزدەسۋىندە الەكساندر بۋبليك پەن تاللون گريكسپۋر كۇش سىناستى.
الەمدىك رەيتينگتە 51 ورىندا تۇرعان ەلىمىزدىڭ ءبىرىنشى راكەتكاسى الەكساندر بۋبليك ءبىرىنشى سەتتە قارسىلاسىن ازەر ۇتتى. كەزدەسۋ تاي-برەيككە دەيىن ۇلاسىپ, 7:6 ەسەبى تىركەلدى. ەكىنشى سەتتە دە ءدال سونداي جاعداي قايتالاندى. قوس تەننيسشى ۇزاق تىرەستى. دەسەك تە جەرلەسىمىز اتر تىزىمىندە 196 ساتىعا تابان تىرگەن تاللون گريكسپۋرگە تىزە بۇكتىردى – 7:6.
ءسويتىپ, قازاقستان مەن نيدەرلاندى قۇرامالارى اراسىنداعى جارىستىڭ العاشقى كۇنى تارازى باسى تەڭەستى – 1:1. ەرتەڭ جۇپتىق باسەكە جانە جەكەلەگەن قوس سايىس وتەدى.