جەتى مىڭنان استام قازاقستاندىق وقۋشى ناۋرىز بەن ماۋسىم ايلارى ارالىعىندا وتكىزىلەتىن «SportFEST Kazakhstan» ءىىى رەسپۋبليكالىق سپارتاكياداسىنا قاتىسادى.
بيىلعى جىلى ەلىمىزدەگى ەڭ مىقتى سپورتشى اتاعى ءۇشىن رەسپۋبليكامىزدىڭ 14 وبلىسىنىڭ 210 اۋدانى جارىسقا ءتۇسىپ, 2004-2006 جج. جاس ارالىعىنداعى مەكتەپ وقۋشىلارى باق سىناماق. «SportFEST Kazakhstan» سپارتاكياداسى كەلەسى سپورت تۇرلەرىن قامتيدى: شاحمات, ۇستەل تەننيسى, قىزدار ءۇشىن باسكەتبول, جاسوسپىرىمدەر ءۇشىن فۋتزال, اسكەري-قولدانبالى سپورت تۇرلەرى, سونداي-اق توعىزقۇمالاق.
سپارتاكيادا بۇرىنعىداي ىرىكتەۋ تۋرىنىڭ ەكى كەزەڭىنەن تۇرادى. الدىمەن نۇر-سۇلتان, الماتى, شىمكەنت قالالارىندا جانە ەلىمىزدىڭ بارلىق وبلىستاردا ايماقتىق جارىستار وتەدى. وندا اۋداندار مەن وبلىستىق قۇراما كوماندالارى ءوزارا جارىسادى. ءى كەزەڭنىڭ جەڭىمپازدارى ءوز ءوڭىرىن نەمەسە قالاسىن ءىى تۋردا تانىستىرادى, اتالمىش شارا اڭىزعا اينالعان «بالداۋرەن» لاگەرىندە (بۋراباي ق.) وتەدى.
«SportFEST Kazakhstan» رەسپۋبليكالىق سپارتاكياداسى ءداستۇرلى تۇردە وتكىزىلۋدە. بۇكىل ەل بويىنشا اتاپ وتىلەتىن ايتۋلى وقيعاعا مىڭداعان وقۋشىلار بار ىنتا-جىگەرىمەن دايىندالۋدا. بيىلعى جىلى قازاقستاننىڭ بارلىق وڭىرلەرىنەن شامامەن 7 000 بالانى قامتۋ جوسپارلانۋدا. بۇل جوبا بالالاردىڭ دەنە تاربيەسىنە عانا ەمەس, سونداي-اق جاسوسپىرىمدەر اراسىندا سالاۋاتتى ءومىر سالتى يدەياسىن ىلگەرىلەتۋگە ىقپال ەتەدى», -دەپ اتاپ ءوتتى «Samruk-Kazyna Trust» الەۋمەتتىك جوبالاردى دامىتۋ قورىنىڭ رەسمي وكىلى ميراس ىرگەباەۆ.
بالالار مەن جاسوسپىرىمدەردىڭ ءوزىن-ءوزى جەتىلدىرۋگە, دەنساۋلىعىن نىعايتۋعا جانە بالالاردىڭ دەنە دايىندىعىن تۇزەتۋگە باعىتتالعان رەسپۋبليكالىق سپارتاكيادا ءوزىن جاستار اراسىندا بۇقارالىق سپورتتى, سالاۋاتتى ءومىر سالتىن جانە پاتريوتتىق تاربيەنى تانىمال ەتۋ جارىسى ەكەنىن كورسەتتى. ال جوبا باستالعاننان بەرى قاتىسقانوقۋشىلار سانى 14 000-نان استام.
«SportFEST Kazakhstan» – بۇل داريعا نازارباەۆانىڭ باستاماسىمەن 14 وبلىس جانە نۇر-سۇلتان, الماتى, شىمكەنت قالالارى اۋماعىندا وتكىزىلەتىن قازاقستان بويىنشا جاس سپورتشىلاردى قولداۋ بويىنشا بىرەگەي جوبا.
جوبانى «مەنىڭ ەلىم» الەۋمەتتىك ينۆەستيتسيالار باعدارلاماسى اياسىندا «سامۇرىق-قازىنا» اق كومپانيالار توبىنىڭ اتىنان «Samruk-Kazyna Trust» الەۋمەتتىك جوبالاردى دامىتۋ قورى مەن «كوممۋنيكاتيۆتىك باستامالار مەن ستراتەگيالار قورى» جق بىرلەسىپ جۇزەگە اسىرادى.
ايتا كەتۋ كەرەك, ىرىكتەۋ تۋرلارىندا قولدانىلاتىن بارلىق سپورتتىق قۇرال-جابدىقتار (تەننيس ۇستەلدەرى, دوپتار, ۇستەل ويىندارى) جارىستان كەيىن ءار وڭىردەگى مەكتەپتەرگە سىيعا بەرىلەدى.