استانا كونۆەنشن بيۋرو كومپانياسى الەۋمەتتىك-مادەني دامۋ ماسەلەلەرى جونىندەگى قالالىق ءماسليحاتتىڭ تۇراقتى كوميسسياسىنىڭ وتىرىسىندا ايتىلعان ءماسليحات دەپۋتاتتارىنىڭ ۇسىنىمدارىنا سايكەس باعىتتى وزگەرتتى. بۇل تۋرالى قالا اكىمدىگىنىڭ ءباسپاسوز قىزمەتى حابارلادى.
ەندى ەكى قاباتتان تۇراتىن Red Bus اۆتوبۋسىنداعى شولۋ ەكسكۋرسياسىنىڭ جاڭارتىلعان باعىتى قالانىڭ وڭ جاعالاۋىنىڭ كورىكتى جەرلەرىن قامتيدى.
جاڭا مارشرۋتتىڭ ۇزىندىعى 30 كم-دەن اسادى.
اۆتوبۋس قاتىنايتىن كورىكتى ورىندار قاتارىنا:
ەسىل وزەنىنىڭ جاعالاۋى استانا كونتسەرت زالى قازاقستان رەسپۋبليكاسى قارۋلى كۇشتەرىنىڭ اسكەري-تاريحي مۇراجايى ەكى ۇلى قازاق حاندارىنا ارنالعان كەرەي مەن جانىبەك ەسكەرتكىشى ەلباسىنىڭ جۇمىس رەزيدەنتسياسى "جەر انا" ەسكەرتكىشى "ارىس" كوپىرى سىندى جەرلەر جاتادى.ەسكى باعىت پۋنكتتەرى:
- حان شاتىر ساۋدا ويىن-ساۋىق ورتالىعى
-"ماڭگىلىك ەل" قاقپاسى
- "نۇر-الەم" بولاشاق ەنەرگياسى مۇراجايى
- ۇلتتىق مۋزەيى - استانا بايتەرەك مونۋمەنتى - "Ailand" وتباسىلىق دەمالىس ورتالىعى
ەسكە سالا كەتەيىك, ەكسكۋرسيا Red Bus اۆتوبۋسىندا Hop-On Hop-Off ءپرينتسيپى بويىنشا وتكىزىلەدى. ءاربىر اۆتوبۋس 8 تىلدەگى (قازاق, اعىلشىن, ورىس, قىتاي, نەمىس, تۇرىك, يسپان, فرانتسۋز) اۋديوگيدپەن جابدىقتالعان.
قۇنى: ەرەسەكتەرگە - 3 000 تەڭگە بالالارعا, ستۋدەنتتەر مەن زەينەتكەرلەرگە - 2 000 تەڭگە 5 جاستان كىشى بالالارعا-تەگىن ەكسكۋرسيا اۆتوبۋسى تۋرالى تولىق اقپاراتتى redbus.kz -تەن تابۋعا بولادى.