«استانا» ۆەلوشاباندوزدارى 20 ناۋرىزعا دەيىن الەمنىڭ ءار قيىرىندا وتەتىن ءتۇرلى جارىسقا قاتىسۋدان باس تارتتى.
وعان سەبەپ – الەمنىڭ بىرقاتار مەملەكەتىندە كوروناۆيرۋس دەرتىنىڭ ءورشۋى. اينالدىرعان ەكى-ءۇش اي عانا ۋاقىت ارالىعىندا تالاي ادامنىڭ ءومىرىن جالماپ, تورتكۇل دۇنيەنى دۇرلىكتىرگەن ىندەتتەن ساقتانۋ ماقساتىندا ايتۋلى كوماندا وسىنداي قادامعا بارۋعا ءماجبۇر بولىپ وتىر.
– ناۋرىز ايىندا شەت مەملەكەتتەردە وتەتىن جالىقارالىق جارىستاردىڭ بارلىعىنىڭ دا ماڭىزى زور. ءبىز ولارعا قۋانا-قۋانا قاتىساتىن ەدىك. بىراق كوروناۆيرۋس دەرتى ۋشىعىپ تۇرعان كەزدە ساقتىق شارالارىن ساقتاۋدى ءجون سانادىق. بىزدەر ءۇشىن بارىنەن دە سپورتشىلارىمىزدىڭ دەنساۋلىعى ماڭىزدى. سول سەبەپتى دە وسىنداي شەشىم قابىلدادىق, – دەيدى «استانانىڭ» باس مەنەدجەرى الەكساندر ۆينوكۋروۆ.
ءسويتىپ, «استانانىڭ» ۆەلوشاباندوزدارى «سترادە بيانكە», «پاريج – نيتستسا» جانە «تيررەنو – ادرياتيكو» كوپكۇندىكتەرىنە قاتىسپايتىن بولدى.