5-10 ناۋرىز ارالىعىندا فينليانديانىڭ استاناسى – حەلسينكيدە بوكستان حالىقارالىق تۋرنير وتەدى.
ايتۋلى جارىستا قازاقستاننىڭ التى بوكسشىسى ونەر كورسەتەدى. سولاردىڭ اراسىنان قايرات ەراليەۆ (57 كيلو), اسلانبەك شىمبەرگەنوۆ (69 كيلو) جانە بەك نۇرماعانبەتتى (81كيلو) اتاپ وتۋگە بولادى. ولاردىڭ ۇشەۋى دە ءتۇرلى حالىقارالىق دودالاردا ەل نامىسىن ابىرويلى قورعاعان. اتاپ ايتساق, قايرات – الەم چەمپيونى, الەم چەمپيوناتىنىڭ قولا جۇلدەگەرى, ەكى رەت ازيا بىرىنشىلىگى مەن ءبىر رەت ازيا ويىندارىندا ءۇشىنشى ورىنعا تابان تىرەگەن. اسلانبەك – ازيا ويىندارىنىڭ كۇمىس جۇلدەگەرى, بەك – ازيا چەمپيونى.
وسى ءۇش ساڭلاقتان بولەك, سۋومي ەلىندە ءدىلمۇرات ميجيتوۆ (63 كيلو), ساعىندىق توعامباي (91 كيلو) جانە نۇرلان ساپارباي (+91 كيلو) سىندى سايىپقىراندار ونەر كورسەتەدى.