سىرتقى ىستەر ءمينيسترى مۇحتار تىلەۋبەردى ورتالىق ازيا ەلدەرىنە ساپارى اياسىندا قازاقستانعا كەلگەن قىتاي كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى, قكپ ورتالىق كوميتەتىنىڭ سىرتقى ىستەر جونىندەگى كوميسسيا كەڭسەسىنىڭ باسشىسى يان تسزەچيمەن كەزدەستى. بۇل تۋرالى ءسىم ءباسپاسوز قىزمەتى حابارلادى.
كەزدەسۋ بارىسىندا ەكىجاقتى ىنتىماقتاستىقتىڭ كەڭ اۋقىمدى وزەكتى ماسەلەلەرى, سونىڭ ىشىندە ساياسي, ساۋدا-ەكونوميكالىق, ينۆەستيتسيالىق جانە مادەني-گۋمانيتارلىق ىنتىماقتاستىقتى ودان ءارى دامىتۋ بويىنشا پىكىر الماسىلدى. سونداي-اق, تاراپتار كوروناۆيرۋس ىندەتىنە قارسى ارەكەت ەتۋ بويىنشا ەكى ەلدىڭ ءوزارا ءىس-قيمىل ماسەلەلەرىن قاراستىردى.