دزيۋدودان راباتتا (ماروككو) ءوتۋى ءتيىس بولعان الەمدىك گران-پري كەزەڭى وتپەيتىن بولدى. بۇل تۋرالى حالىقارالىق دزيۋدو فەدەراتسياسى رەسمي سايتىندا مالىمدەدى دەپ حابارلايدى Olympic.kz.
حالىقارالىق دزيۋدو فەدەراتسياسىنىڭ كۇنتىزبەسىنە سايكەس رەيتينگىلىك تۋرنير 6-8 ناۋرىز كۇندەرى ءوتۋى ءتيىس ەدى.
ماروككو ۇكىمەتى كوروناۆيرۋس ەپيدەمياسىنىڭ تارالۋىنىڭ الدىن الۋ ماقساتىندا ەلدە بولاتىن بارلىق قوعامدىق ءىس-شارالار مەن سپورتتىق شارالاردى ۋاقىتشا توقتاتتى. اتالعان دوداعا قاتىسۋ ءۇشىن الەمنىڭ 94 ەلىنەن 561 دزيۋدوشى تىركەلگەن بولاتىن.