سىرتقى ىستەر مينيسترلىگى وڭتۇستىك كورەيادا قازاقستان ازاماتىنىڭ كوروناۆيرۋس جۇقتىرعانى جونىندەگى اقپاراتقا قاتىستى تۇسىنىك بەردى.
«وڭتۇستىك كورەيادا قازاقستان ازاماتى كوروناۆيرۋس جۇقتىردى دەگەن اقپاراتقا قاتىستى كەلەسىنى حابارلايمىز. بۇل اقپارات راستالماعان, سەبەبى قازاقستاننىڭ سەۋلدەگى ەلشىلىگىنىڭ اتىنا كورەي تاراپىنان ەشقانداي دا رەسمي حابارلاما كەلىپ تۇسپەگەن. ءبىزدىڭ ديپلوماتتار كورەيالىق الەۋمەتتىك جەلىلەردە تاراتىلعان اقپاراتتىڭ ناقتىلىعىن انىقتاۋدا» دەلىنگەن حابارلامادا.