ەرەجەسىز جەكپە-جەك الەمدەگى ەڭ بەلدى ۇيىم – UFC-ءدىڭ كەزەكتى تۋرنيرلەردىڭ ءبىرى بيىلعى جىلدىڭ جازدا قازاقستاندا ءوتۋى مۇمكىن ەكەنى جايىندا ءبىز بۇعان دەيىن دە جازعانبىز.
بۇل اڭگىمەنىڭ اقيقاتقا اينالۋى ابدەن مۇمكىن. ويتكەنى, قازىرگى كەزدىڭ وزىندە بىرقاتار بەلدى ۇيىمدارىدىڭ رەسمي سايتتارى مەن ءتۇرلى پورتالدار جوعارىداعى مالىمەتتى جان-جاققا جاريا ەتۋدە. ماسەلەن, اتاقتى Main Team تاراتقان مالىمەتكە سەنسەك, ايتۋلى جارىس 13 ماۋسىمدا نۇر-سۇلتانداعى ءزاۋلىم سپورت كەشەندەرىنىڭ بىرىندە وتەدى دەپ جوسپارلانۋدا. تىپتەن, وسى كەشتە ونەر كورسەتەتىن العاشقى جۇپ تا انىقتالىپ قويعان كورىنەدى. ولار – رەسەيلىك حاديس يبراگيموۆ (8-2) پەن گرۋزيالىق رومان دوليدزە (6-0). داعىستاندىق سپورتشى 10 رەت وكتاگونعا شىعىپ, سەگىز باسەكەنى ءوز پايداسىنا شەشسە, ءباتۋميدىڭ ءباھادۇرى التى ايقاسىنىڭ بارلىعىن جەڭىسپەن اياقتادى.
ارينە, جارىستىڭ شىرايىن ارتتىرۋ ءۇشىن ايقاس الاڭىنا قازاقستاننىڭ دا ورەندەرى كوپتەپ شىققانى ءجون. قازىرگى كەزدە ءۇش بىردەي سپورتشىمىز – شاۆقات راحمونوۆ, جالعاس جۇماعۇلوۆ جانە ماريا اگاپوۆا UFC-مەن كەلىسىمشارت جاساسىپ ۇلگەردى. ودان بولەك, رەسەيدە تۇراتىن قانداسىمىز دامير يسماعۇلوۆ بار.