حالىقارالىق شايبالى حوككەي فەدەراتسياسىنىڭ (IIHF) شەشىمىمەن ۇستىمىزدەگى جىلدىڭ ناۋرىز ايىندا جالاۋى جەلبىرەۋگە ءتيىس التى بىردەي الەم بىرىنشىلىگى بەلگىلەنگەن مەرزىمدە وتپەيتىن بولدى.
ونىڭ سەبەبى – الەمنىڭ بىرقاتار مەملەكەتىندە كوروناۆيرۋس دەرتىنىڭ ءورشۋى. اينالدىرعان ەكى-ءۇش اي عانا ۋاقىت ارالىعىندا تالاي ادامنىڭ ءومىرىن جالماعان ىندەتتەن ساقتانۋ ماقساتىندا اتالمىش ۇيىم وسىنداي قادامعا بارۋعا ءماجبۇر بولىپ وتىر.
وسى ۇرەيلى جاعدايدىڭ سالدارىنان تاللين, سوفيا, ىستامبۇل, كوكەلشيوە قالالارىندا ۇيىمداستىرىلۋعا ءتيىس ءتۇرلى ديۆيزونداعى جاس ورەندەردىڭ (U18) الەم بىرىنشىلىكتەرى وتپەيتىن بولدى. سول سەكىلدى بۇرىمدىلار اراسىنداعى ەكى بىردەي ءدۇبىرلى دودا دا كەيىنگە شەگەرىلدى. تاعى ءبىر ايتا كەتەرلىگى, 28 ناۋرىز بەن 4 ءساۋىر ارالىعىندا پولشانىڭ كاتوۆيتسا قالاسىنداعى ءبىرىنشى ديۆيزيونداعى كوماندالاردىڭ دۇنيەجۇزىلىك دوداسىنا قازاقستاننىڭ ايەلدەر قۇراماسى دا قاتىسۋعا ءتيىس ەدى.