وبلىس قۇتقارۋشىلارى توتەنشە جاعداي ماماندىعىندا ءبىلىم الىپ جاتقان ستۋدەنتتەردى ءوز سالالارىنىڭ قىر-سىرىمەن تانىستىردى. جەدەل-قۇتقارۋ جاساعى توتەنشە جاعدايلار كەزىندە قالاي ارەكەت ەتۋ كەرەكتىگىن تاجىريبە جۇزىندە كورسەتتى.
ادام ءومىرىن ساقتاپ قالۋ ءۇشىن وتقا دا, سۋعا دا ءتۇسۋ بۇل جانداردىڭ ۇيرەنشىكتى جۇمىسى. وقۋ-جاتتىعۋعا قاتىسقان ازاماتتىق قورعانىس جوعارى كوپسالالى كوللەدجىنىڭ ستۋدەنتتەرى تەوريالىق بىلىمدەرىن تاجىريبە جۇزىندە ۇشتاستىردى.
–بولاشاقتا ادامدارعا قولىمنان كەلگەنشە كومەكتەسىپ, حالىققا قالتقىسىز قىزمەت ەتكىم كەلەدى. ءورت ءسوندىرۋ بويىنشا وقۋ-جاتتىعۋ جيىنىنا قاتىسقانمىن. ال, جەدەل-قۇتقارۋ جاساعىنىڭ جۇمىسىمەن ءالى تانىسىپ كورگەن جوقپىز, سوندىقتان بۇل ءبىز ءۇشىن وتە پايدالى بولدى,–دەيدى ازاماتتىق قورعانىس جوعارى كوپسالالى كوللەدجىنىڭ ستۋدەنتى ناتاليا پاۆلوۆا.
جەدەل-قۇتقارۋ جاساعىنىڭ قۇزىرىندا 14 قۇتقارۋ تەحنيكاسى بار. مەكەمەنىڭ تەحنيكالىق بازاسىمەن تانىسۋعا كەلگەن ستۋدەنتتەرگە قورعانىس قۇرالدارى قويىلعان كورمە تانىستىرىلدى.
دۇنيەجۇزىلىك ازاماتتىق قورعانىس كۇنىنە ارنالعان ءىس-شارالار ءبىر اي بويى جالعاسادى. وبلىستىق توتەنشە جاعدايلار قىزمەتىنىڭ ماماندارى جەرگىلىكتى اتقارۋشى ورگانداردىڭ, ءتۇرلى مەكەمەلەردىڭ قىزمەتكەرلەرىنە دە اپات بولا قالعان جاعدايدا قورعانۋ تاسىلدەرىن ۇيرەتپەك.
اقمولا وبلىسى.