ەلوردا اكىمى التاي كولگىنوۆ اتا-اناسىنىڭ قامقورلىعىنسىز قالعان, تۇرعىن ءۇي كەزەگىندە تۇرعان بالالار ءۇيىنىڭ تۇلەكتەرىمەن كەزدەستى. اكىمنىڭ جەكە قابىلداۋىندا ءار ادام ءوزىن تولعاندىرعان ماسەلەسىن ايتتى. تۇرعىن ءۇي ماسەلەلەرىن, قوسىمشا ءبىلىم مەن مەديتسينالىق كومەك الۋ, جۇمىسقا ورنالاسۋ, بىلىكتىلىكتى ارتتىرۋ ماسەلەلەرى تالقىلاندى. بۇل تۋرالى قالا اكىمدىگىنىڭ ءباسپاسوز قىزمەتى حابارلادى.
ەلوردا اكىمى التاي كولگىنوۆ جۇمىس ءار باعىت بويىنشا جۇرگىزىلىپ جاتقانىن اتاپ ءوتتى. قالا اكىمى مەملەكەت باسشىسىنىڭ تاپسىرماسىنا سايكەس قولجەتىمدى تۇرعىن ءۇي قۇرىلىسىنىڭ كولەمى 3 ەسە ارتاتىنىن ايتتى. كەزدەسۋدە قالا تۇرعىندارى اكىمگە الەۋمەتتىك شارالاردى قولداعانى ءۇشىن العىسىن ءبىلدىردى. 28 ناۋرىزدان باستاپ بارلىق كامەلەتكە تولماعاندار ءۇشىن جول ءجۇرۋ تەگىن بولادى.
اكىم جانە اكىمنىڭ ورىنباسارلارى, باسقارما باسشىلارى جانە اۋدان اكىمدەرى ازاماتتاردى تۇراقتى تۇردە قابىلدايدى. قابىلداۋلار «جانۇيا» وتباسى ينستيتۋتىن قولداۋ ورتالىعىندا, «Nur Otan» پارتياسىنىڭ قالالىق فيليالىندا وتەدى.