شايبالى حوككەيدەن گاگارين كۋبوگى اياسىندا سىنعا ءتۇسىپ جاتقان ەلوردانىڭ «بارىس» كلۋبى العاشقى ويىنىن «بارىس ارەنادا» ماگنيتوگوردىڭ «مەتاللۋرگ» كومانداسىنا قارسى وتكىزىپ, ءىرى ەسەپپەن جەڭىسكە جەتتى.
ءبىرىنشى كەزەڭنىڭ 14-مينۋتىندا سان باسىمدىعىنا يە بولعان جەرلەستەرمىز ەسەپتى اشتى. شايبا اۆتورى – كەرتيس ۆولك. ەكىنشى كەزەڭدە دە جەرلەستەرىمىز تاعى ءبىر شايبا سوعۋعا مۇمكىندىك الدى. بۇل جولى اتتە وحتاماا مەرگەندىگىمەن كوزگە ءتۇستى.
ءۇشىنشى كەزەڭنىڭ اياقتالۋىنا ەكى مينۋت قالعاندا «مەتاللۋرگ» كومانداسىنىڭ باس باپكەرى قاقپاشىنىڭ ورنىنا مۇزايدىنعا التىنشى ويىنشىنى شىعارعان بولاتىن. قارىمتا شابۋىلدى ءساتتى پايدالانعان «بارىس» حوككەيشىسى يرو پاكارينەن بوس قالعان قاقپانى ءدال كوزدەدى. ال 60-مينۋتتا كوماندا كاپيتانى داررەن ديتس كەزدەسۋدىڭ نۇكتەسىن قويدى. قورىتىندى ەسەپ – 4:0.
ەكى كوماندا اراسىنداعى ەكىنشى ويىن بۇگىن دە «بارىس ارەنادا» وتەدى. قارىمتا ماتچ 5 جانە 7 ناۋرىزدا ماگنيتوگوردە وتەدى.