الماتى وبلىسى اكىمىنىڭ وكىمىمەن تولەگەن قاپسالىق ۇلى سارسەمباەۆ الماتى وبلىسى اكىمى اپپاراتىنىڭ باسشىسى بولىپ تاعايىندالدى. بۇل تۋرالى الماتى وبلىسى اكىمدىگىنىڭ ءباسپاسوز قىزمەتى حابارلادى.
تولەگەن قاپسالىق ۇلى سارسەمباەۆ - 1968 جىلى تۋعان. الماتى حالىق شارۋاشىلىعى ينستيتۋتىن, ق.ا.ياسساۋي اتىنداعى حالىقارالىق قازاق-تۇرىك ۋنيۆەرسيتەتىن ەكونوميست جانە زاڭگەر ماماندىقتارى بويىنشا بىتىرگەن.
ەڭبەك جولىن الماتى زووۆەتەرينارلىق ينستيتۋتى «اقساي» وقۋ-تاجىريبەلىك شارۋاشىلىعىنىڭ بۋحگالتەرى بولىپ باستادى. ءار جىلداردا الماتى زووۆەتەرينارلىق ينستيتۋتى «اقساي» وقۋ-تاجىريبەلىك شارۋاشىلىعىنىڭ ەكونوميكالىق جوسپارلاۋ ءبولىمىنىڭ باستىعى, الماتى قالاسى بويىنشا مەملەكەتتىك قارجىلىق باقىلاۋ كوميتەتى باسقارماسىنىڭ رەۆيزور-باقىلاۋشىسى, اعا رەۆيزور باقىلاۋشىسى, باس رەۆيزور-باقىلاۋشىسى, الماتى وبلىسى بويىنشا مەملەكەتتىك قارجى باقىلاۋ كوميتەتى باسقارماسىنىڭ باس رەۆيزور-باقىلاۋشىسى, ءبولىم باستىعىنىڭ ورىنباسارى, باستىعى, الماتى قالاسى تۇركسىب اۋدانى بويىنشا سالىق كوميتەتىنىڭ باس سالىق ينسپەكتورى, سەكتور مەڭگەرۋشىسى, سەكتور باستىعى, الماتى قالاسى تۇركسىب جانە بوستاندىق اۋداندارى بويىنشا سالىق كوميتەتتەرى باستىقتارىنىڭ ورىنباسارى, قىزىلوردا وبلىسى بويىنشا سالىق كوميتەتىنىڭ باستىعى, الماتى قالاسى تۇركسىب اۋدانى بويىنشا سالىق باسقارماسىنىڭ باستىعى, جامبىل جانە شىعىس قازاقستان وبلىستارى بويىنشا سالىق دەپارتامەنتتەرىنىڭ باستىعى, قارجى مينيسترلىگى مەملەكەتتىك كىرىس كوميتەتى پاۆلودار وبلىسى بويىنشا مەملەكەتتىك كىرىستەر دەپارتامەنتىنىڭ باسشىسى, وڭتۇستىك قازاقستان, تۇركىستان وبلىستارى اكىمدەرىنىڭ ورىنباسارى قىزمەتتەرىن اتقارعان.
2019 جىلدىڭ مامىر ايىنان – الماتى وبلىسى بويىنشا مەملەكەتتىك كىرىستەر دەپارتامەنتىنىڭ باسشىسى بولدى.
ال بۇل قىزمەتتى اتقارعان تەمىرلان امانگەلدى ۇلى بەكتاسوۆ باسقا جۇمىسقا اۋىسۋىنا بايلانىستى وبلىس اكىمى اپپاراتىنىڭ باسشىسى لاۋازىمىنان بوساتىلدى.