پرەمەر-مينيستر ا. مامين ەققدب پرەزيدەنتى س. چاكرابارتيمەن قازاقستاندا بىرلەسكەن جوبالاردى ىسكە اسىرۋ ماسەلەسىن تالقىلادى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.
«وتكەن 27 جىل ىشىندە ەققدب قازاقستانعا سالعان ينۆەستيتسيالار كولەمى قارجى, ينفراقۇرىلىم, ەنەرگەتيكا, اۋىل شارۋاشىلىعى سالالارىندا, اقپاراتتىق تەحنولوگيالار مەن كوممۋنالدىق قىزمەتتەر سەكتورلارىندا, سونداي-اق شاعىن جانە ورتا بيزنەستى قولداۋ بويىنشا 271 جوباعا $9 ملرد-تان استى», — دەدى ا. مامين.
2019 جىلى ونەركاسىپ, كولىك, ەنەرگەتيكا, اۋىل شارۋاشىلىعى, قارجى جانە باسقا دا سالالارىندا $750 ملن استام سوماعا 29 جوبانى ىسكە اسىرۋ تۋرالى كەلىسىمگە قول قويىلدى.
تاراپتار قازاقستانداعى دەنساۋلىق ساقتاۋ ينفراقۇرىلىمىن جاڭعىرتۋدىڭ كەشەندى باعدارلاماسىن جۇزەگە اسىرۋعا ەققدب-نىڭ الداعى قاتىسۋىن تالقىلادى. اتاپ ايتقاندا, ەققدب قىزىلوردا, قوستاناي, تاراز, اتىراۋ, كوكشەتاۋ, پاۆلودار, الماتى قالالارىندا جاڭا كوپ بەيىندى اۋرۋحانالاردىڭ قۇرىلىسىن قارجىلاندىرۋعا قاتىسۋدى جوسپارلاپ وتىر.
ا. مامين مەن س. چاكرابارتي قازاقستانداعى مەملەكەتتىك-جەكەشەلىك ارىپتەستىك سالاسىنداعى اسا ءىرى جوبا — ۇلكەن الماتى اينالما اۆتوموبيل جولىن ىسكە اسىرۋ ماسەلەسىن قاراستىردى.
سونىمەن قاتار تۇرعىن ءۇي-كوممۋنالدىق شارۋاشىلىعى, كولىك ينفراقۇرىلىمى, جاڭارتىلاتىن ەنەرگيا كوزدەرى تاعى باسقا سالالارداعى مەملەكەتتىك-جەكەشەلىك ارىپتەستىك جوبالارىنا زور كوڭىل ءبولىندى.
كەزدەسۋگە پرەمەر-ءمينيستردىڭ ءبىرىنشى ورىنباسارى – قارجى ءمينيسترى ءا. سمايىلوۆ, ۇلتتىق ەكونوميكا ءمينيسترى ر. دالەنوۆ, دەنساۋلىق ساقتاۋ ءمينيسترى ە. ءبىرتانوۆ, «استانا» حالىقارالىق قارجى ورتالىعىنىڭ باسقارۋشىسى ق. كەلىمبەتوۆ, قر قارجى نارىعىن رەتتەۋ جانە دامىتۋ اگەنتتىگىنىڭ ءتورايىمى م. ابىلقاسىموۆا جانە يندۋستريا جانە ينفراقۇرىلىمدىق دامۋ ءمينيسترىنىڭ ورىنباسارى ب. قاماليەۆ قاتىستى.