اۋستريانىڭ شپيتتال-ان-دەر-دراۋ قالاسىندا شايبالى حوككەيدەن ايەلدەر اراسىنداعى ەۋروليگا دوداسى ءوز ماەرسىنە جەتتى. بۇل جارىستى الماتىنىڭ «ايسۇلۋى» قولا مەدالمەن قورىتىندىلادى.
ەۋروپانىڭ ايەلدەر حوككەي ليگاسىنىڭ 2019/2020 جىلعى ماۋسىمىندا ءۇشىنشى ورىندى يەلەنگەن «ايسۇلۋ» «تورتتىك فينالىندا» كۇش سىناسۋ قۇرمەتىنە يە بولعان ەدى.
جارتىلاي فينالدا جەرلەستەرىمىز ماجارستاننىڭ «KMH Budapest» كلۋبىمەن كۇش سىناستى. بۇل باسەكە قارسىلاستارىمىزدىڭ پايداسىنان شەشىلدى. ەسەپ – 0:2.
ءۇشىنشى ورىن كەزدەسۋدە ءبىزدىڭ قىزدار يتاليانىڭ «EVB Eagles South Tyrol» كومانداسىنان ايلاسىن اسىردى. ەسەپ – 2:1. ءسويتىپ, بيىلعى ەۋروليگا جارىسىندا «ايسۇلۋدىڭ» ارۋلارى قولا مەدالدى يەلەندى.