وسكەمەننىڭ «تورپەدوسى» جوعارى حوككەي ليگاسىنىڭ (جحل) پلەي-وفف دوداسىنىڭ العاشقى كەزەڭىنەن اسا المادى.
پەتروۆ كۋبوگى جولىنداعى جارىستىڭ العاشقى اينالىمىندا جەرلەستەرىمىزدىڭ جولى ماسكەۋدىڭ «زۆەزداسىمەن» قيىسقان ەدى. وسكەمەندىك كلۋب وسىنىڭ الدىنداعى ءتورت ويىننىڭ تەك بىرەۋىندە عانا جەڭىسكە جەتىپ, ۇشەۋىندە ۇتىلعان ەدى.
سوڭعى باسەكە رەسەيدىڭ استاناسىندا ءوتتى. باسەكەنى جاپ-جاقسى باستاعان «تورپەدو» بىرازعا دەيىن تىزگىندى بەرمەي كەلدى. 19 مينۋتتا سەرگەي شەستاكوۆ جانە 45 مينۋتتا الەكساندر تاراسوۆ سوققان گولداردان كەيىن قازاقستاندىقتار الدا كەلە جاتتى.
دەسەك تە كەزدەسۋدىڭ اياقتالۋىنا بار-جوعى جەتى مينۋتتاي ۋاقىت قالعاندا جەرلەستەرىمىز بىلگەندەرىنەن جاڭىلدى. قارسىلاستارىمىز ءۇش رەت نىسانانى ءدال كوزدەپ, جەڭىستى ۋىسىمىزدان ج ۇلىپ اكەتتى. نەگىزگى ۋاقىتتا دانيل لوبانوۆ پەن ەۆگەني كانيتسكي تارازى باسىن تەڭەستىرسە, وۆەرتايمدا ماكسيم رىجكوۆ مەرگەندىك تانىتتى. ەسەپ – 3:2.