باسكەتبولدان ۆتب ليگاسىنىڭ سوڭعى ءۇش كەزدەسۋىندە نۇر-سۇلتاننىڭ «استاناسى» قارسىلاستارىنا ەسە جىبەرىپ, ءوز جانكۇيەرلەرىن جەرگە قاراتقان ەدى.
كەشە جەرلەستەرىمىز كراسنويارسكىدە جەرگىلىكتى «ەنيسەي» كلۋبىمەن شەبەرلىك بايقاستى.
العاشقى كەزەڭدە الاڭ يەلەرى 22:18 ەسەبىمەن جەڭىسكە جەتتى. ۇزىلىستەن كەيىن ەلوردالىق باسكەتبولشىلار ەسەپ ايىرماشىلىعىن قىسقارتتى – 39:38. ال سوڭعى ەكى كەزەڭ «استانانىڭ» باسىمدىعىمەن ءوتتى. ناتيجەسىندە بۇل باسەكە ءبىزدىڭ جىگىتتەردىڭ پايداسىنا شەشىلدى. قورىتىندى ەسەپ – 64:78.
قازىرگى كەزدە «استانا» جارىتسس كەستەسىندە جەتىنشى ورىندى يەلەنۋدە.