جىل باسىنان بەرى 268 ادام اكىمشىلىك جاۋاپكەرشىلىككە تارتىلدى. ونىڭ ىشىندە قاراپايىم ازاماتتار دا, لاۋازىمدى تۇلعالار دا, زاڭدى تۇلعالار دا بار دەپ حابارلايدى ماڭعىستاۋ وبلىستىق پوليتسيا دەپارتامەنتى ءباسپاسوز قىزمەتى.
ءاربىر ادام كوشەنىڭ, ءۇيدىڭ تىنىشتىعىن ساقتاۋعا, وزگەلەردىڭ مازاسى مەن تىنىشتىعىن بۇزباۋعا مىندەتتى. الايدا, بۇل ءتارتىپتى ساقتامايتىندار دا بار. بىرەۋلەرى ۇيدە كەشتەر ۇيىمداستىرىپ, بىرقاتارى الكوگولدى ىشىمدىك ءىشىپ ايقاي-شۋدى كوبەيتسە, ەندى بىرەۋلەر جيىنداردى تۇرعىن ۇيلەردىڭ جانىندا ورنالاسقانورىندىقتاردا ۇيىمداستىرادى جانە ولار تۇرعىنداردىڭ شاعىمدارىنا ءمان بەرمەيدى. بىراق تۇرعىندار دا مۇنداي شۋعا شاعىمدانا بەرمەيدى. شاعىمدار كوبىنە پاتەرىندە جوندەۋ جۇمىستارىن جۇرگىزەتىن كورشىلەرگە قاتىستى شاعىمدار كەلىپ تۇسەدى ەكەن, ويتكەنى ولار 23 ساعاتتان كەيىن دە توقتامايدى.
مۇنداي كەزدە تۇرعىندار اقتاۋ قالاسى پب جەدەل باسقارۋ ورتالىعىنا, كەيدە وزدەرىنىڭ ۋچاسكەلىك ينسپەكتورلارىنا جۇگىنەدى.پوليتسيا دەپارتامەنتىندە ەگەر پوليتسەيلەر قوعامدىق ءتارتىپتى بۇزۋمەن انىقتالاتىن شۋلى مىنەز-ق ۇلىقتى تاپسا, وندا شۋ شىعارىپ وتىرعان كورشىگە اكىمشىلىك قۇقىق بۇزۋشىلىق تۋرالى كودەكسىنە سايكەس ولارعا 5 اەك ايىپپۇل سالىناتىنىن, ياعني سوماسى 13 255 تەڭگە بولاتىندىعىن ءتۇسىندىردى. ەكىنشى رەت ايىپپۇل ەكىەسە ارتادى.
اقتاۋدا قۇرىلىس قارقىندى جۇرگىزىلىپ, جوندەۋجۇمىستارى جالعاسۋدا.
بىراق, تۇرعىنداردىڭ تىنىشتىعى زاڭعا ساي قورعالاتىن بولادى.