وڭىردەگى اقتوعاي اۋدانىنىڭ كاسىپكەرلىك, اۋىل شارۋاشىلىعى جانە ۆەتەريناريا ءبولىمىنىڭ مالىمەتىنشە, بيىلعى كوكتەمگى ەگىس جۇمىستارىنا 8,8 توننا تۇقىم دايىن.
اقتوعاي اۋىلىندا ورنالاسقان «ۆەسنا» شارۋا قوجالىعىندا ەكى قويمانىڭ قۇرىلىسىن اياقتالۋعا جاقىن.
اۋدان №1-ءشى رەپرودۋكتسيالى تۇقىمدى ەرتىس اۋدانى «اباي» جشس, «ەرتىس» تاجىريبەلى شارۋاشىلىعى, ۋسپەن اۋدانى «گاليتسكوە» جشس –نان ساتىپ الۋدا.
ەلىمىزدە قازىر تۇقىم شارۋاشىلىعىن سۋبسيديالاۋدىڭ جۇيەسى وزگەرمەك. بۇل جاڭاشىلدىق ديقانداردىڭ جۇمىسىنا كومەك.
مىسالى, 1 گەكتارعا 100 كەلى بيداي ەكسەڭىز, ونىڭ 10 پايىزى سۋبسيديالانادى. ول قاراجاتقا №1-ءشى رەپرودۋكتسيالى تۇقىم ساتىپ الاسىز.
ياعني, جىل سايىن ەگىس القاپتارىنا ساپالى تۇقىمدى سەبۋ جۇمىستارى ۇزدىكسىز جۇرگىزىلەدى.
ال, شارباقتى اۋدانى «پوبەدا» جشس-ءنىڭ باسشىسى الەكساندر پولياكوۆ كوپ جىلدار بويى وڭىردەگى كەمەڭگەر اۋىلىندا ورنالاسقان «اۋىل شارۋاشىلىعى عىلىمي-زەرتتەۋ ينستيتۋتىمەن» بايلانىس ورناتىپ, عالىمدارمەن بىرلەسە جۇمىس ىستەۋدە.
- كوكتەمگى ەگىس جۇمىستارى باستالماي جاتىپ ينستيتۋت ماماندارىمەن اقىلداسامىز. ەليتالى تۇقىم ساتىپ الامىز. كەيىن بىزدەن شاعىن شارۋاشىلىقتار الادى. بيىل ەگىس القابى - 36 مىڭ گەكتار. ونىڭ 60 پايىزى – بيداي, قالعانى بۇرشاقتى جانە جارما داقىلدارى. نارىقتا قانداي داقىلعا سۇرانىس بار, سونى ەگۋدەمىز. قىشانى ەۋروپا ەلدەرىنە, جاسىمىقتى تۇركيا مەن يرانعا جونەلتەمىز, - دەيدى ا.پولياكوۆ.
بيىل, ينستيتۋتتا بيىل جەرگىلىكتى عالىمدار ويلاپ تاپقان 2 جاڭا تۇقىم قولدانىسقا ەنگىزىلىپتى.
- ءبىرى - بيدايدىڭ «انەل-16» سورتى, ەكىنشىسى «ەرتىس سامالى» اتتى س ۇلى. شارۋاشىلىقتار استىق داقىلدارىنان كوبىنە «سەۆەريانكا», «كونديتەرسكايا ياروۆايا», «يۋبيلەينايا» سياقتى سورتتاردى قولدانادى. ولار سۋىق اۋا رايىنا ءتوزىمدى. «گاليتسكوە», «اباي», «پوبەدا», «زامانداس», «بيك», «ەرتىس» تاجىريبەلى شارۋاشىلىعى سياقتى سەرىكتەستىكتەرمەن جۇمىس ىستەپ كەلەمىز, - دەيدى ينستيتۋت قىزمەتكەرى ناتاليا كۋزنەتسوۆا.
ال, مول ءونىم كەپىلى – ساپالى تۇقىم. ەلىمىزدىڭ اۋىل شارۋاشىلىعى مينيسترلىگى سۋبسيديالاۋدىڭ تەتىگىن وزگەرتىپ, ديقانداردىڭ ساپالى تۇقىم ەگۋىنە جاعداي جاساماقشى. كوكتەمدە ەنگىزىلەتىن قارجىلاندىرۋدىڭ جاڭا جۇيەسى ديقاندار دا كۇتۋدە.
پاۆلودار وبلىسى