ۇلتتىق قوعامدىق سەنىم كەڭەسىنىڭ مۇشەسى, بەلگىلى جۋرناليست ميحايل دوروفەەۆ مەملەكەت باسشىسىنا وتاندىق اقپارات كەڭىستىگىندەگى احۋال جونىندە وي-پىكىرىن ايتتى. بۇل تۋرالى اقوردانىڭ ءباسپاسوز قىزمەتى حابارلادى.
سونىمەن قاتار اڭگىمەلەسۋ بارىسىندا بۇقارالىق اقپارات قۇرالدارىنىڭ باسەكەگە قابىلەتتىلىگىن ارتتىرۋعا, مەملەكەتتىك اقپاراتتىق تاپسىرىستى ءتيىمدى جۇزەگە اسىرۋعا, سونداي-اق, جۋرناليستەردىڭ قۇقىعىن قورعاۋعا قاتىستى ماسەلەلەر ءسوز بولدى.
ميحايل دوروفەەۆ قاسىم-جومارت توقاەۆقا مەديا-قوعامداستىقتىڭ اتىنان جالا جابۋ تۋرالى قىلمىستىق كودەكستىڭ 130-بابىن قىلمىستىق دەپ تانىماۋ جونىندەگى شەشىمى ءۇشىن العىس ءبىلدىردى.
قازاقستان پرەزيدەنتى تەلەۆيزياداعى ساپالى كونتەنتتى دامىتۋدىڭ ماڭىزدىلىعىن اتاپ ءوتىپ, مەملەكەت تاراپىنان وتاندىق باق-قا قولداۋ كورسەتىلە بەرەتىنىن ايتتى.