بۇگىن ءماجىلىستىڭ حالىقارالىق ىستەر, قورعانىس جانە قاۋىپسىزدىك كوميتەتىنىڭ تاقىرىپتىق وتىرىسى ءوتتى. بۇل تۋرالى پارلامەنت ءماجىلىسىنىڭ ءباسپاسوز قىزمەتى حابارلادى.
ءىس-شارانى اشقان ءماجىلىس دەپۋتاتى مۇحتار ەرمان بۇل وتىرىستىڭ جۋىق ارادا اسكەري قىزمەتشىلەر مەن ولاردىڭ وتباسى مۇشەلەرىن الەۋمەتتىك قامتاماسىز ەتۋ ماسەلەلەرى تۋرالى ۇكىمەتتىك ساعاتىنا دايىندىق جۇمىستارىنىڭ ءبىر بولىگى بولىپ تابىلاتىنىن اتاپ ءوتتى.
اسكەري قىزمەتشىلەردىڭ جانە اسكەرگە شاقىرىلۋشى كونتينگەنتىنىڭ مەديتسينالىق قامتاماسىز ەتۋ ماسەلەلەرى تالقىلانعان وتىرىستا قورعانىس ءمينيسترىنىڭ ورىنباسارى ب. ج. قۇرمانباەۆ بايانداما جاساپ: قازاقستان رەسپۋبليكاسى قارۋلى كۇشتەرىن جاساقتايتىن ازاماتتاردىڭ دەنساۋلىق جاعدايى اسكەري قىزمەتكە شاقىرىلاتىنداردى مەديتسينالىق تاڭداۋىنا جانە شاقىرىلۋعا دەيىنگى كونتينگەتتەردىڭ مەديتسينالىق قامتاماسىز ەتۋىنىڭ تيىمدىلىگى مەن ساپاسىنا تۋرا تاۋەلدى بولىپ كەلەدى.
شاقىرىلاتىنعا دەيىنگى جاس وسپىرىمدەر مەن شاقىرىلاتىن جاستاعىلار اراسىندا جۇمىستى جۇرگىزۋ قازاقستان رەسپۋبليكاسى دەنساۋلىق ساقتاۋ مينيسترلىگىنە ۇيىمداستىرۋ جۇكتەلگەن. وسى مىندەتتى شەشۋ ءۇشىن بارلىق جاس وسپىرىمدەرگە مەديتسينالىق تەكسەرىستەردى جىل سايىن وتكىزۋمەن, ولاردىڭ دەنساۋلىق جاعدايىنا جانە فيزيكالىق جەتىلۋىنە جۇيەلى تۇردە باقىلاۋمەن, ۋاقىتىلى تۇردە ەمدەۋ-ساۋىقتىرۋ جانە الدىن الۋ ءىس-شارالارىن: اۋرۋدى تومەندەتۋ, دەنساۋلىقتى نىعايتۋ جانە فيزيكالىق دامۋىن جاقسارتۋ, ەڭبەك جاعدايى مەن تۇرمىسىن جاقسارتۋمەن, بىلىكتى ەمدەلۋگە مۇقتاجداردى ۋاقىتىلى قامتاماسىز ەتۋ مەن ۋاقىتىلى وتكىزۋ ارقىلى قول جەتكىزىلەدى, - دەدى.
ودان ءارى ءتيىستى مينيسترلىكتىڭ وكىلى اسكەري-مەديتسينالىق قامتاماسىز ەتۋدى ۇيىمداستىرۋ جانە مەرزىمدى اسكەري قىزمەتكە شاقىرۋ كەزىندە ازاماتتاردى مەديتسينالىق كۋالاندىرۋدان وتكىزۋ تۋرالى ايتتى. حالىقارالىق ىستەر, قورعانىس جانە قاۋىپسىزدىك كوميتەتىنىڭ دەپۋتاتى يۋ. تيموششەنكو ءوز سوزىندە اسكەري قىزمەتكە ىرىكتەۋ كەزىندە دە, اۋرۋدىڭ الدىن الۋ جانە دەر كەزىندە انىقتاۋ جانە ەمدەۋ كەزىندە دە جۇيەلى پروبلەمالار بار ەكەنىن اتاپ ءوتتى.
سونىمەن قاتار دەپۋتاتتار اسكەري-مەديتسينالىق مەكەمەلەردى جابدىقتاۋ, اسكەري-دارىگەرلىك كوميسسيالاردىڭ قىزمەتى, 2020 جىلعى كوكتەم-كۇز كەزەڭىنە اسكەرگە شاقىرۋدىڭ قازىرگى ماسەلەلەرى, اسكەرگە شاقىرىلۋشىلاردىڭ ەلەكتروندىق دەنساۋلىق پاسپورتتارىنا اسكەري-دارىگەرلىك كوميسسياعا رۇقسات بەرۋ ءۇشىن اقپاراتتىق جۇيەلەردى ينتەگراتسيالاۋ ماسەلەلەرىن, سونداي-اق باسقا دا بىرقاتار ماسەلەلەردى تالقىلادى.
ايتا كەتۋ كەرەك, شاراعا ءماجىلىس دەپۋتاتتارى, قورعانىس ءمينيسترىنىڭ ورىنباسارى ب. قۇرمانباەۆ, دەنساۋلىق ساقتاۋ ۆيتسە-ءمينيسترى ل. اقتاەۆا, قارجى مينيسترلىگىنىڭ, ۇلتتىق گۆارديانىڭ, ۇقك شەكارا قىزمەتىنىڭ جانە اسكەري-مەديتسينالىق مەكەمەلەردىڭ وكىلدەرى قاتىستى.
وتىرىس قورىتىندىسى بويىنشا اسكەري قىزمەتشىلەر مەن اسكەرگە شاقىرۋ كونتينگەنتىن مەديتسينالىق قامتاماسىز ەتۋ سالاسىنداعى زاڭنامانى ودان ءارى جەتىلدىرۋ ءۇشىن ۇسىنىمدار قابىلداندى.