وڭىردە سوڭعى جىلدارى ايتۆ, ياعني ادامنىڭ يممۋن تاپشىلىعى ۆيرۋسى جۇقپاسىنىڭ الدىن الۋ ماسەلەلەرى بويىنشا «جەدەل جەلى» وتكىزىلىپ جاتىر.
ال جالپى حابارلاندىرۋلار 8(7182) 73-04-43 تەلەفونى ارقىلى اقپاراتتار بەرىلدى, ياعني وڭىردە جيتس-تىڭ جۇقتىرىلعان يممۋن تاپشىلىعى سيندرومىنىڭ الدىن الۋ جانە ونى جويۋ جونىندەگى ورتالىق ماماندارىنا مەملەكەتتىك جانە ورىس تىلدەرىندە سۇراقتار قويىلدى.
وبلىس ورتالىعىنداعى جيتس ورتالىعى ءباسپاسوز قىزمەتىنىڭ جەتەكشىسى روزا اپاەۆانىڭ حابارلاۋىنشا, تۇرعىندار تاراپىنان «جەدەل جەلى» بارىسىندا ايتۆ ماسەلەسىنە قاتىستى ءتۇرلى سۇراقتار قويىلعان.
كوپتەگەن تۇرعىن جيتس جاعدايى بويىنشا اقپاراتتاندىرىلعان, بىراق ولاردى كوبىنە ايتۆ-جۇقپاسىنىڭ بۇگىنگى احۋالى ويلاندىرادى.
ءوز جاۋاپتارىندا دارىگەرلەر اقپاراتتى دەنساۋلىق ساقتاۋ باسقارماسىنىڭ ۇنەمى جاڭارتىلىپ وتىراتىن depzdrav.gov.kz سايتىنان تابۋعا بولاتىنىن ايتتى.
سونداي-اق ءجيى قويىلاتىن ساۋالداردىڭ ءبىرى - كىشكەنتاي بالالاردىڭ تاعدىرى تۋرالى سۇراق: ەگەر اناسىنىڭ ايتۆ بەلگىسى وڭ بولسا, وندا ودان ساۋ بالا تۋ مۇمكىن بە؟
سۇراۋشىلار جۇكتى ايەلدە ايتۆ-جۇقپاسىن ۋاقىتىلى انىقتاۋ جانە جۇكتىلىك پەن بوسانۋ كەزىندە ۆيرۋسقا قارسى الدىن الۋ ەمىن جۇرگىزۋ كەزىندە دەنى ساۋ بالانىڭ تۋ ىقتيمالدىعى جوعارى دەگەن جاۋاپ الدى.
كەلەسى كەزەكتە جيتس-قا قارسى ەلىمىزدە ۆاكتسينا جاساۋ بويىنشا عىلىمي زەرتتەۋلەر جۇرگىزىلۋدە مە دەگەن سۇراق قويىلدى.
بىراق ايتۆ-عا قارسى ۆاكتسينا جاساۋ جونىندەگى عىلىمي زەرتتەۋلەر 1983 جىلدان باستاپ شەتەلدە جۇرگىزىلەدى.
ال ءبىزدىڭ ەلىمىزدە ۆاكتسينا جاساۋ بويىنشا زەرتتەۋلەر جۇرگىزىلمەيدى. سوندىقتان ايتۆ-جۇقپاسىن ەمدەۋ جيتس ورتالىعىنىڭ دارىگەر-ينفەكتسيونيستىنىڭ تاعايىنداۋى بويىنشا ۆيرۋسقا قارسى پرەپاراتتاردىڭ ءۇش جانە ودان دا كوپ جيىنتىعىندا جۇرگىزىلەدى
تۇرعىنداردىڭ قان قۇيۋ كەزىندە ايتۆ-جۇقپاسىن جۇقتىرۋ مۇمكىن بە دەگەن سۇراقتارىنا ارينە, بىراق مۇنداي جاعداي بولماس ءۇشىن بارلىق دونورلىق قان ايتۆ-عا تەستىلەنەدى دەگەن جاۋاپ بەرىلدى.
سونىمەن بىرگە جيتس ورتالىعىنىڭ ەپيدەميولوگتارى ايتۆ-نىڭ العاشقى بەلگىلەرى تۋرالى ايتىپ بەردى.
ال جاستار اۋماقتى تازالاۋ كەزىندە تابىلعان, ىشىندە قانى بار ەككىش ارقىلى جۇقپانى جۇقتىرا الامىز با, ماسانىڭ شاعۋىنان قاۋىپتەنۋگە بولا ما دەگەن سۇراقتار بەرگەن.
ورتالىق دارىگەرلەرىنىڭ ايتۋىنشا, وسىنداي سۇراقتار تۇرعىنداردىڭ جۇقپانى قالاي جۇقتىراتىنىن جانە ادامدار ءۇشىن قانداي قاۋپى بارىن بىلمەيتىندىگىن كورسەتەدى. بۇلاي جۇقتىرۋ مۇمكىن ەمەس. بۇل ۇلكەن مولشەردە جاڭا قان عانا بولۋى كەرەك.
ۆيرۋس سىرتقى ورتادا تۇراقتى ەمەس. ماسانىڭ تىستەۋى ارقىلى ۆيرۋس بەرىلمەيدى.
ستۋدەنت جاستار ءبىر ادامنىڭ ايتۆ-جۇقپاسىن قاساقانا جۇقتىرعانى ءۇشىن جازا ءتۇرى بار ما دەگەن ساۋال قويدى.
ەلىمىزدىڭ قىلمىستىق كودەكسىنىڭ 116-بابىنىڭ نەگىزىندە وزىندە وسى اۋرۋدىڭ بار ەكەندىگى تۋرالى بىلگەن ادام باسقاعا جۇقتىرعانى ءۇشىن, ەگەر بۇل ارەكەت ەكى جانە ودان دا كوپ ادامعا قاتىستى جاسالسا, 5 جىلعا دەيىنگى مەرزىمگە باس بوستاندىعىنان ايىرۋعا جازالانادى.
ال كامەلەتكە تولماعان بولسا, 8 جىلعا دەيىنگى مەرزىمگە باس بوستاندىعىنان ايىرۋ جازاسى قولدانىلادى.
سونداي-اق وبلىس تۇرعىندارى, قالا اكىمىنىڭ قاۋلىسى بويىنشا ايتۆ/جيتس-پەن ءومىر سۇرەتىن ادامداردىڭ جىلىنا 24050 تەڭگە مولشەرىندە بىرجولعى الەۋمەتتىك تولەم الۋعا قۇقىعى بار ەكەندىگى تۋرالى حاباردار ەتىلدى.
پاۆلودار وبلىسى