قاراعاندى وبلىسىندا ساقتاندىرۋ قورىمەن كەلىسىمشارت جاساسقان ەمحانالار, ورتالىقتار جانە اۋرۋحانالار QR-كودتارمەن بەلگىلەندى. ياعني بۇل جەرلەردە تەگىن مەديتسينالىق كومەكتىڭ كەپىلدىك بەرىلگەن كولەمى مەن مەديتسينالىق ساقتاندىرۋ پاكەتى شەڭبەرىندە قىزمەتتەر كورسەتىلەتىن بولادى.
مەديتسينالىق ساقتاندىرۋ قورى قاراعاندى فيليالىنىڭ ديرەكتورى فازىل كوپوباەۆ QR-كودتاردىڭ ارقاسىندا ازاماتتار ءارتۇرلى بايلانىس ارنالارىنا جىلدام قاتىناۋ مۇمكىندىگىنە يە بولاتىنىن اتاپ ءوتتى.
– سونداي-اق, مەديتسينالىق ساقتاندىرۋ, قولجەتىمدى قىزمەتتەر مەن ءوز قۇقىقتارى تۋرالى قاجەتتى اقپارات الۋ ءۇشىن Telegram جانە What'sApp- بوتتارىمەن بايلانىسا الادى, - دەپ تۇسىندىك بەردى ول.
قاراعاندى وبلىسىندا QR-كودتارمەن بەلگىلەنگەن ۇيىمدار سانى 120-دان اسادى. بۇل كودتى ۇيالى تەلەفون ارقىلى سكانەرلەگەندە بىردەن مەديتسينالىق ساقتاندىرۋ قورىنىڭ سايتىنا وتۋگە بولادى.
قاراعاندى وبلىسى