بۇگىن ۇكىمەت وتىرىسىندا پرەمەر-مينيستر اسقار مامين سۋ تاسقىنى كەزەڭىنە دايىندىقتى قامتاماسىز ەتۋ شارالارىن قابىلداۋدى تاپسىردى.
اۆتوموبيل جولدارىنىڭ 464 قاۋىپتى ۋچاسكەسى, 66 كوپىر جانە 852 سۋ وتكىزۋ قۇبىرى باقىلاۋعا الىندى, ولارعا 883 بىرلىك جول-پايدالانۋ تەحنيكاسى بەكىتىلگەن. اۆتوجولدار مەن جول قۇرىلىستارىنا كۇندەلىكتى پاترۋلدەۋ جۇمىستارى جۇرگىزىلۋدە.
«بولجام بويىنشا رەسپۋبليكانىڭ ورتالىق, سولتۇستىك, شىعىس بولىگىندە قار كوپ مولشەردە ەريدى دەپ كۇتىلۋدە. سوندىقتان بارلىق اكىمدەر بۇگىننەن باستاپ جاعدايدى كۇندەلىكتى باقىلاۋعا الۋى ءتيىس. قاردى, اسىرەسە, اۋىلدىق ەلدى مەكەندەردەن شىعارۋ ءۇشىن بارلىق قاجەتتى قۇرالدار مەن تەحنيكانى جۇمىلدىرۋ كەرەك. وزەن ارنالارىن, اعىنداردى, نوسەرلى كارىزدەردى تازارتۋدى, ۋاقىتشا جەر ۇيىندىلەرى مەن بوگەتتەر سالۋدى قامتاماسىز ەتۋ قاجەت. ءىىم مەن ەكولوگيا, گەولوگيا جانە تابيعي رەسۋرستار مينيسترلىگىنىڭ ءتيىستى قىزمەتتەرى ناقتى مونيتورينگ پەن باقىلاۋ جاساۋى كەرەك», - دەدى اسقار مامين.