بۇگىن ۇكىمەت وتىرىسىندا پرەمەر-مينيستر اسقار مامين يندۋستريا جانە ينفراقۇرىلىمدىق دامۋ مينيسترلىگىنە رەسپۋبليكالىق ماڭىزى بار اۆتوتراسسالار مەن تەمىر جولدارداعى سۋ تاسقىنىن بولدىرماۋ ءۇشىن تاۋلىك بويى باقىلاۋ جاساۋدى ۇيىمداستىرۋدى جانە سۋ وتكىزۋ قۇبىرلارى ارقىلى تاسقىن سۋلاردى وتكىزۋدى قامتاماسىز ەتۋدى تاپسىردى.
«ەكولوگيا مينيسترلىگى بولجامدى مالىمەتتەردى ەسكەرە وتىرىپ, سۋ قويمالارىن تولتىرۋدىڭ قاۋىپسىز كولەمىن انىقتاپ, ولاردىڭ تولتىرىلۋىنا تۇراقتى باقىلاۋ جاساۋدى قامتاماسىز ەتسىن. قاجەت بولعان جاعدايدا سۋ قويمالارىن الدىن الا بوساتۋ شارالارىن قابىلداۋ كەرەك», — دەدى ا. مامين.
پرەمەر-مينيستر ءىىم-گە مۇددەلى مەملەكەتتىك ورگاندارمەن جانە وڭىرلەردىڭ اكىمدىكتەرىمەن بىرلەسىپ, ءتيىستى شتابتار قۇرۋدى, كۇشتەر مەن قۇرالداردىڭ, ونىڭ ىشىندە حالىقتى حاباردار ەتۋ جۇيەلەرىنىڭ ورىن الۋى مۇمكىن توتەنشە جاعدايلارعا تولىق دايىندىعىن قامتاماسىز ەتۋدى جۇكتەدى.