ەلوردا اكىمى التاي كولگىنوۆ ءورت ءسوندىرۋ دەپوسىنىڭ قۇرىلىسىمەن تانىستى. بايقوڭىر اۋدانىندا ورنالاسقان عيمارات 4 قاباتتان تۇرادى. دەپو جۇمىسى بيىل باستالادى. ءورت سوندىرۋگە ارنالعان ارنايى تەحنيكا ساتىپ الىنادى. بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى.
دەپو قىزمەتكەرلەرىنىڭ قولايلى جاعدايدا جۇمىس ىستەۋى ءۇشىن بارلىق جاعداي جاسالعان. عيماراتتا شەبەرحانا, سپورت زالى, وقۋ سىنىبى, حالىققا نۇسقاۋ بەرۋ بولمەسى جانە ت.ب. بولمەلەر بار. 3 قاباتتا قىزمەتكەرلەرگە ارنالعان جاتاقحانا ورنالاسسا, 4 قاباتتا پاتەرلەر بار. دەپو اۋماعىندا وقۋ مۇناراسىن, كەدەرگىلەرى بار 100 مەترلىك جولاقتى جانە امبەباپ الاڭدى سالۋ جوسپارلانىپ وتىر.
سونىمەن قاتار قالا اكىمى التاي كولگىنوۆ №1 يندۋستريالدى پارككە باردى. كاسىپورىن باسشىلارى بىرقاتار سۇراقتار قويىپ, ءوز ۇسىنىستارىن ايتتى. كوتەرىلگەن ماسەلەلەر جۇمىسقا الىندى.