اقتاۋ قالالىق پب-نىڭ يۋۆەنالدى پوليتسيا قىزمەتكەرلەرى وبلىستىق ء«جاسوسپىرىم» جانە «تۇنگى قالاداعى بالالار» جەدەل-الدىن الۋ ءىس-شاراسى اياسىندا بىرقاتار رەيد وتكىزدى. شارا قاداعالاۋسىز جانە قاراۋسىز ءومىر سالتىن جۇرگىزەتىن كامەلەتكە تولماعانداردى, ونىڭ ىشىندە تۇنگى ۋاقىتتا زاڭدى وكىلدەرىنىڭ ەرىپ ءجۇرۋىنسىز ويىن-ساۋىق مەكەمەلەرىندە جۇرگەندەردى انىقتاۋ ماقساتىندا جۇرگىزىلدى. بۇل تۋرالى ماڭعىستاۋ وبلىستىق پوليتسيا دەپارتامەنتىنىڭ ءباسپاسوز قىزمەتى حابارلادى.
ءىس-شارا بارىسىندا 238 اكىمشىلىك قۇقىق بۇزۋشىلىق انىقتالىپ, ونىڭ ىشىندە 158-ءى قر اقبتك-ءنىڭ 442-بابى 1-بولىگىمەن (كامەلەتكە تولماعانداردىڭ زاڭدى وكىلدەرىنىڭ ەرىپ ءجۇرۋىنسىز تۇنگى ۋاقىتتا ويىن-ساۋىق مەكەمەلەرىندە نەمەسە تۇرعىنجايدان تىس جەردە بولۋى) اكىمشىلىك ايىپپۇل سالىندى.
سونىمەن قاتار 23 كامەلەتكە تولماعاندارعا قاتىستى الكوگول جانە تەمەكى ونىمدەرىن ساتۋ فاكتىسى انىقتالدى. يۋۆەنالدى پوليتسيا ينسپەكتورلارى قر اقبتك-ءنىڭ 133-بابى جانە قر اقبتك-ءنىڭ 200-بابى الكوگول ونىمدەرىن ساتۋ بويىنشا قازاقستان رەسپۋبليكاسى زاڭناماسىنىڭ تالاپتارىن بۇزعانى ءۇشىن اكىمشىلىك حاتتاما جاساقتادى.
بارلىق جەتكىزىلگەن كامەلەتكە تولماعاندار مەن ولاردىڭ اتا-انالارىمەن الداعى ۋاقىتتا قۇقىق بۇزۋشىلىققا جول بەرمەۋ بويىنشا جەكە تۇسىندىرمە اڭگىمە جۇرگىزىلدى, قايتالاپ بۇزعان جاعدايدا اتا-انالارعا بالالاردىڭ قۇقىقتارىن قورعاۋ جونىندەگى كوميسسياعا ماتەريالدار جىبەرىلەتىندىگى جانە ەسەپكە قويىلاتىندىعى تۋرالى ەسكەرتىلدى.
كامەلەتكە تولماعانداردى بەيىمدەۋ ورتالىعىنا تۇنگى ۋاقىتتا ەرەسەكتەرسىز جۇرگەن 9 بالا ورنالاستىرىلدى.
قىزمەتكەرلەردىڭ ەرەكشە نازارىندا ەسەپتە تۇرعان تۇرمىسى ناشار وتباسىلار بولدى. بالالاردىڭ ءومىر ءسۇرۋ جاعدايى, سانيتارلىق جاعدايى, ءتيىستى كۇتىپ-باعۋى تەكسەرىلدى.
يۋۆەنالدى پوليتسيا جەلىسى بويىنشا جەدەل الدىن الۋ ءىس-شارالارى بارىسىندا 23 اتا-انا انىقتالىپ, ەسەپكە الىندى. بۇگىنگى كۇنى 191 قولايسىز وتباسى باقىلاۋدا تۇر, ينسپەكتورلار تۇراقتى تۇردە ولاردى تۇرعىلىقتى جەرى بويىنشا تەكسەرەدى.
ناتيجەسىندە قورعاۋ نۇسقاماسىن بۇزعانى جانە جاعدايدى جاقسى جاققا جاقسارتپاعانى ءۇشىن 13 اتا-اناعا قاتىستى ماتەريالدار جيناقتالىپ, بالالاردىڭ قۇقىقتارىن قورعاۋ جونىندەگى كوميسسياعا جىبەرىلدى. اتا-انا قۇقىعىنان ايىرۋ ءۇشىن 7 اتا-انا, اتا-اناعا قاتىستى قۇقىقتاردان ۋاقىتشا ايىرۋ ءۇشىن 6 اتا-انا جىبەرىلدى, 2 اتا-اناعا قاتىستى ماتەريالدار جيناقتالىپ بالالاردىڭ قۇقىقتارىن قورعاۋ جونىندەگى كوميسسيانىڭ شەشىمى بويىنشا ماتەريالدىق جاۋاپكەرشىلىكتى قامتاماسىز ەتۋ, تاربيەلەۋ, ازعىندىق مىنەز-ق ۇلىق جانە بالالاردىڭ پسيحولوگيالىق دامۋىن بۇزۋ جونىندەگى مىندەتتەمەلەرىن ورىنداماعانى ءۇشىن اكىمشىلىك سوتقا جولداندى.