جۋىردا سولتۇستىك قازاقستان وبلىسىنا ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ەرلان اۋكەنوۆ جۇمىس ساپارىمەن كەلىپ, وبلىس ارداگەرلەرىمەن جانە باسقا دا كەزدەسۋلەر وتكىزدى.
ول ارداگەرلەرگە دايىندالىپ جاتقان «ارداگەرلەر تۋرالى» زاڭ جوباسى تۋرالى ايتتى. «قۇجات جوباسىنا قولدانىستاعى زاڭناما بويىنشا ارداگەرلەرگە بەرىلەتىن بارلىق جەڭىلدىكتەر مەن كەپىلدىكتەر شوعىرلاندىرىلدى. سونىمەن بىرگە زاڭ جوباسىندا الەۋمەتتىك تۇرعىدان قورعالاتىن ارداگەرلەردىڭ 5 ساناتى انىقتالعان. اۋعانستانداعى جانە باسقا ەلدەردەگى ۇرىس قيمىلدارىنا قاتىسقان اسكەري قىزمەتشىلەردى شەت مەملەكەتتەردىڭ اۋماعىنداعى ۇرىس قيمىلدارىنىڭ ارداگەرلەرىنە تەڭەستىرۋ جانە ولاردىڭ ساناتتارىن كەڭەيتۋ, جاۋىنگەر-ينتەرناتسيوناليستەرمەن بىرگە چەرنوبىل قۇرباندارىن, سونداي-اق سوتسياليستىك ەڭبەك ەرلەرىن الەۋمەتتىك قولداۋ جونىندەگى شارالار قاراستىرىلعان», دەدى ول ءوزىنىڭ سوزىندە.
سونىمەن بىرگە ۆيتسە -مينيستر وبلىس اكىمدىگىندە اۋداندار اكىمدىكتەرىنىڭ قىزمەتكەرلەرىمەن اتاۋلى الەۋمەتتىك كومەك تاعايىنداۋ جانە الەۋمەتتىك قىزمەت كورسەتۋ ماسەلەلەرى بويىنشا سەلەكتورلىق كەڭەس وتكىزدى. وندا ۆيتسە-مينيستر ءوڭىردىڭ قالالارى مەن اۋداندارىندا اتاۋلى الەۋمەتتىك كومەكتى تاعايىنداۋ, «قامقورلىق» جول كارتاسىن, بەلسەندى ۇزاق ءومىر ءسۇرۋ باعدارلاماسىن جۇزەگە اسىرۋ, «باقىتتى وتباسى» ورتالىعىن قۇرۋ, الەۋمەتتىك قىزمەتتەر پورتالىن ىسكە اسىرۋ جانە ت. ب. ماسەلەلەر بويىنشا كەڭەستەر بەردى.
ول مۇگەدەكتىگى بار ادامداردىڭ ءومىر ءسۇرۋ ساپاسىن جاقسارتۋدىڭ ناقتى شارالارىنا دا توقتالدى. بۇل ءۇشىن وڭىرلەرگە 2020 جىلى 80%-عا تيىمدىلىك بەرەتىن, ماڭىزدى 18 ءىس-شاراسى بار «قامقورلىق» جول كارتالارىن بەكىتۋ ۇسىنىلعانى ايتىلدى. مىسالى, ءاربىر وڭىردە مەملەكەتتىك الەۋمەتتىك تاپسىرىستى ورنالاستىرۋ جانە مەملەكەتتىك-جەكە مەنشىك ارىپتەستىك تەتىكتەرىن قولدانۋ ەسەبىنەن الەۋمەتتىك وڭالتۋ ورتالىقتارىن اشۋ جوسپارلانعان. «سونىمەن قاتار بيۋدجەت ەسەبىنەن بارلىق وڭىرلەردە 150 الەۋمەتتىك وڭالتۋ ورتالىعىن اشۋ جوسپارلانۋدا. ولاردىڭ قۇرىلىسى 2020-2021 جىلدارى اقمولا, اقتوبە, الماتى, باتىس قازاقستان, شىعىس قازاقستان وبلىستارىندا, نۇر-سۇلتان, الماتى جانە شىمكەنتتە باستالادى. ەلباسىنىڭ «قامقورلىق» باستاماسى اياسىندا بارلىق وڭىرلەردىڭ جالپى ءبىلىم بەرەتىن مەكتەپتەرىندە ينكليۋزيۆتى قولداۋ بويىنشا 8 سىنىپ اشۋ جوسپارلانۋدا. «قادامدىق قولجەتىمدىلىك» قاعيداتى نەگىزىندە ەمحانالاردا شاعىن جانە ورتا مەديتسينالىق وڭالتۋ ورتالىقتارى اشىلادى», دەدى ۆيتسە مينيستر.
سونداي اق ۆيتسە مينيستر حالىقتى جۇمىسپەن قامتۋ ورتالىعى (حجقو) مەن «جانۇيا» وتباسىن قولداۋ ورتالىعىندا بولدى. حجقو-دا ە.اۋكەنوۆ ازاماتتاردى جۇمىسپەن قامتۋعا جاردەمدەسۋدىڭ بەلسەندى شارالارىنا توقتالدى. وعان ااك-كە ءوتىنىش بەرۋشىلەرمەن جۇمىس جۇرگىزىلەتىن بولمە كورسەتىلدى. ايتا كەتەتىن بولساق, 2020 جىلدىڭ 1 قاڭتارىنداعى جاعداي بويىنشا سولتۇستىك قازاقستان وبلىسىندا 6 مىڭعا جۋىق وتباسىعا ااك تولەندى. سونداي-اق, وڭىردە قايىرىمدىلىق جانە دەمەۋشىلىك كومەك ارقىلى الەۋمەتتىك قولداۋ كورسەتىلەدى. وتكەن جىلى 1,4 ميلليارد تەڭگە كولەمىندە كومەك كورسەتىلگەن.
سولتۇستىك قازاقستان وبلىسى