بۇل تۋرالى ايماق باسشىسى سەرىكباي ترۇموۆ وبلىس جۇرتشىلىعىمەن كەزدەسۋىندە ءمالىم ەتتى, دەپ حابارلايدى ماڭعىستاۋ وبلىسىنىڭ قوعامدىق كوممۋنيكاتسيا ورتالىعى.
وتكەن 2019 جىلى 1175,4 مىڭ شارشى مەتر تۇرعىن ءۇي پايدالانۋعا بەرىلدى. ونىڭ ىشىندە: جالعا بەرىلەتىن تۇرعىن ءۇي – 14 396 ش.م. باتىر, قۇرىق اۋىلدارىنان جانە فورت-شەۆچەنكو قالاسىنان 216 پاتەردى قۇراپ وتىر. كوممەرتسيالىق تۇرعىن ءۇي – 481 033 ش.م. (4403 پاتەر اقتاۋ ق.), جەكە تۇرعىن ءۇي-679 950 ش. م. (4674 بىرلىك تۇرعىن ءۇي).
«نۇرلى جەر» باعدارلاماسى اياسىندا «ساتىپ الۋسىز جالعا بەرىلەتىن تۇرعىن ءۇي» باعىتى بويىنشا اۋدانى 13 623 ش.م. 348 پاتەرلىك جالعا بەرىلەتىن تۇرعىن ءۇي قۇرىلىسى جانە ساتىپ الۋ اياقتالدى.
2020 جىلى تۇپقاراعان, قاراقيا, مۇنايلى اۋداندارى جانە اقتاۋ قالاسىنان جالپى الاڭى 23 454 ش.م. 432 پاتەر قۇرىلىسىن اياقتاۋ جانە ساتىپ الۋ جوسپارلانۋدا. جانە دە 2020 جىلى اقتاۋ قالاسىندا جالپى اۋدانى 63 490 شارشى مەتر 850 پاتەرلى كرەديتتىك تۇرعىن ءۇي قۇرىلىسى اياقتالادى.
«7-20-25»باعدارلاماسى شەڭبەرىندە 4 ءىرى قالا, ونىڭ ىشىندە اقتاۋ ءۇشىن 25 ملن.تەڭگە مولشەرىندە كرەديتتىڭ ەڭ جوعارى مولشەرى انىقتالدى.
بۇگىنگى تاڭدا اقتاۋ قالاسىنىڭ اۋماعىندا شامامەن 500 مىڭ شارشى مەتر بولاتىن 6 مىڭنان استام پاتەرلىك كوممەرتسيالىق تۇرعىن ءۇي قۇرىلىسى جۇرگىزىلۋدە, ولاردىڭ باسىم بولىگى «7-20-25» باعدارلاماسى بويىنشا ىسكە اسىرىلاتىن بولادى.
«باقىتتى وتباسى» باعدارلاماسى اياسىندا بىلتىر 231 پاتەر بەرىلدى, ونىڭ ىشىندە كوپبالالى وتباسىلار – 111, تولىق ەمەس وتباسىلار – 84, مۇگەدەك بالالاردى تاربيەلەپ وتىرعان وتباسىلار – 36-ءنى قۇراپ وتىر. سونداي-اق از قامتىلعان وتباسىلارعا 21 تۇرعىن ءۇي سەرتيفيكاتى بەرىلدى. 2020 جىلى وسى باعىت بويىنشا 300 سەرتيفيكات بەرۋ جوسپارلانۋدا.
«جاڭاوزەن قالاسىن الەۋمەتتىك-ەكونوميكالىق دامىتۋ» كەشەندى جوسپارى اياسىندا اقتاۋ قالاسىنا 338 وتباسى قونىس اۋداردى. 2020 جىلى 210 وتباسى كوشىرىلەدى دەپ جوسپارلانىپ وتىر.