بىلتىر اۋداندا 4000 جۇمىس ورنىن اشۋ جوسپارلانسا, بۇگىندە 4300 جۇمىس ورنى قۇرىلدى. وبلىس اكىمىنىڭ تاپسىرماسى بويىنشا اتاۋلى الەۋمەتتىك كومەك الىپ وتىرعان وتباسىلارعا 100 مىڭ تەڭگەدەن ءبىر جولعى جاردەماقى تاعايىندالدى. بۇل تۋرالى مۇنايلى اۋدانى اكىمىنىڭ ەسەبىندە ايتىلدى, دەپ حابارلايدى ماڭعىستاۋ وبلىسى اكىمىنىڭ ءباسپاسوز قىزمەتى.
2020 جىلدىڭ 1 قاڭتارىنان باستاپ 3232 وتباسى, 18276 ادام اتاۋلى الەۋمەتتىك كومەك الدى. 4247 كوپ بالالى وتباسىلارعا تەگىن جول ءجۇرۋ كۋالىگى بەرىلدى. قازىرگى تاڭدا حالىقتى تولعاندىراتىن باستى ماسەلەنىڭ ءبىرى تۇرعىن ءۇي جانە جەر تەلىمى. قازىرگى ۋاقىتتا ءۇي كەزەگىندە تۇرعانداردىڭ سانى 3080 ادام. ماسەلەلەردى شەشۋ باعىتىندا «باقىتتى وتباسى» جوباسى اياسىندا الەۋمەتتىك قولداۋدىڭ قوسىمشا تۇرلەرى جەرگىلىكتى بيۋدجەت ەسەبىنەن جۇرگىزىلۋدە. تۇرعىن ۇيگە مۇقتاج ازاماتتاردىڭ تىزىمىندە تۇرعان 125 ازاماتقا جولداما بەرىلىپ, 47 وتباسى باسپانالى بولدى. ء«ار قازاق مەنىڭ جالعىزىم» اكتسياسى اياسىندا باتىر اۋىلدىق وكرۋگىنەن 2 تۇرعىن ءۇي اۋدان حالقىنىڭ قولداۋىمەن سالىنىپ, قاراشا ايىندا بەرىلدى.
- اۋىز سۋمەن قامتاماسىز ەتۋ بويىنشا اۋدان تۇرعىندارىنىڭ 74,1% ورتالىقتاندىرىلعان اۋىز سۋمەن قامتىلعان. وتكەن جىلى قىزىلتوبە اۋىلدىق وكرۋگىندە سۋ جەلىسى قۇرىلىسىنا رەسپۋبليكالىق بيۋدجەتتەن 760 ملن تەڭگە ءبولىنىپ تولىقتاي يگەرىلدى. قۇرىلىس مونتاجداۋ جۇمىستارى 55%-عا ورىندالدى. اۋدان تۇرعىندارى تاراپىنان ۇنەمى كوتەرىلەتىن سۇراقتاردىڭ ءبىرى تازالىق ماسەلەسى. قوقىستان تازارتۋ جۇمىستارى جۇرگىزىلىپ جاتقانىمەن, قوقىس توگۋشىلەر قاتارى ازايار ەمەس. بۇل جاعدايلاردى ۇنەمى باقىلاپ وتىرۋ مۇمكىندىگى جوق, - دەدى راحات تەزەكباي ۇلى.
«اۋىل – ەل بەسىگى» ارنايى جوباسى اياسىندا رەسپۋبليكالىق جانە جەرگىلىكتى بيۋدجەتتەن 631,9 ملن تەڭگە ءبولىنىپ وعان اۋىلدىڭ كوشە جارىعىن جانە اۋىلىشىلىك جولداردى جوندەۋ بويىنشا 10 جوبا, 1 قۇرىلىس جوباسى ماقۇلدانىپ, تولىعىمەن اياقتالدى. ەسەپتىك باياندامادان سوڭ, وبلى اكىمى سەرىكباي ترۇموۆ حالىقتىڭ تولعاندىرعان ساۋالدارىن تىڭداپ, ونىڭ شەشۋ جولدارىن قاراستىرۋعا ۋادە بەردى.