ەلوردادا جىل سايىن وتەتىن قازاقتىلدى ونلاين كونتەنت جاساۋشىلار فورۋمى - مەديا ساراپشىلار, جۋرناليستەر, باس رەداكتورلار, بلوگەرلەر مەن ۆلوگەرلەردىڭ باسىن قوساتىن الاڭ. فورۋم بيىل ءتورتىنشى رەت ۇيىمداستىرىلىپ وتىر.
جىل سايىن فورۋمدا قازاقتىلدى مەديا سالاسىنداعى ۇزدىك ساراپشىلار, جۋرناليستەر, بلوگەرلەر مەن ۆلوگەرلەر, ۆەب-سايتتاردىڭ باس رەداكتورلارى كاسىبي تاجىريبەسىمەن بولىسەدى.
قاتىسۋشىلار قازاقتىلدى ونلاين كونتەنتتەن اقشا تابۋ, قازاقستان مەديا نارىعىن دامىتۋ ماسەلەلەرىن تالقىلايدى.
سونداي-اق جەتەكشى مەديا ساراپشىلارىنىڭ قاتىسۋىمەن شەبەرلىك ساباقتارى مەن ترەنينگتەر وتەدى.
فورۋمدى ەلىمىزدەگى اقش ەلشىلىگى مەن قازاقستان ءباسپاسوز كلۋبى ۇيىمداستىرادى.
شارا قوناقتارى National Geographic Qazaqstan ۇسىنعان فوتوسۋرەتتەر كورمەسىن تاماشالاۋعا مۇمكىندىك الدى.