فريستايل-موگۋلدان قازاقستان قۇراماسىنىڭ وكىلى اناستاسيا گورودكو ەۋروپا كۋبوگىنىڭ جالپى ەسەبىندە كوش باستاپ كەلەدى, دەپ حابارلادى ۇوك ءباسپاسوز قىزمەتى.
بۇگىندە كۋبوكتىڭ بەس كەزەڭى ارتتا قالدى. اناستاسيا 760 ۇپايمەن ءبىرىنشى ورىندا كەلەدى. ەكىنشى ورىندى نيدەرلاند وكىلى جانەك بەرگحۋيس (437 ۇپاي) يەلەنسە, ۇزدىك ۇشتىكتى فرانتسيالىق فانتين دەگرۋت تۇيىندەپ تۇر. ونىڭ ەنشىسىندە 371 ۇپاي بار. ايتا كەتەلىك, فرانتسيادا وتكەن ەۋروپا كۋبوگىنىڭ بەسىنشى كەزەڭىندە اناستاسيا گورودكو التىن جانە كۇمىس مەدال جەڭىپ العان بولاتىن.