ماڭعىستاۋ وبلىسىندا وسىعان دەيىن بىرنەشە مارتە ەل بىرىنشىلىكتەرى, سپارتاكيادالار جوعارى دەڭگەيدە وتكىزىلىپ كەلەدى. بۇگىندە ازيا جانە الەم بىرىنشىلىكتەرى دەڭگەيىندە وتكىزىلە باستاعان قازاق كۇرەسىنەن اقتاۋدا وتەتىن چەمپيونات ەكى كۇنگە سوزىلىپ, 2005-2006 جىلى تۋىلعان جاسوسپىرىمدەر 10 سالماق دارەجەسىندە بەلدەسۋگە تۇسەدى. بۇل تۋرالى ماڭعىستاۋ وبلىسى بويىنشا قوعامدىق كوممۋنيكاتسيالار ورتالىعى حابارلادى.
- بۇل جارىسقا نۇر-سۇلتان, الماتى, شىمكەنت قالالارى جانە دە 14 وبلىس قۇراما كوماندالارىنان 500-دەن استام سپورتشى باق سىناسۋعا نيەت ءبىلدىردى. «ماڭعىستاۋ-ارەنادا» وتەتىن جارىستى تاماشالايمىن دەۋشىلەر ءۇشىن بارلىق جاعداي جاسالعان, - دەدى ماڭعىستاۋ وبلىسى دەنە شىنىقتىرۋ جانە سپورت باسقارماسى باسشىسىنىڭ مىندەتىن اتقارۋشى قانات جۇماباەۆ.
ماڭعىستاۋ وبلىستىق قازاق كۇرەسى فەدەراتسياسى وزگە وڭىردەن كەلگەن بالۋاندارعا ماڭعىستاۋ وبلىسىنىڭ ولكەتانۋ مۇراجايى جانە ءابىش كەكىلباەۆ اتىنداعى مۋزەيدى تانىستىرىپ, سونداي-اق تەڭىز جاعالاۋىنا سەرۋەندەۋ شارالارىن ۇيىمداستىردى.
بۇگىندە وڭىردە قازاق كۇرەسىمەن 4014 پالۋان, ونىڭ ىشىندە 2815 سپورتشى اۋىلدىق ەلدى مەكەندەردە شۇعىلدانادى. وبلىس كولەمىندە 46 جاتتىقتىرۋشى بىلگەنىن بالاعا ۇيرەتسە, ۇيىرمەلەر سانى 82-گە جەتكەن.