ماڭعىستاۋ وبلىسىنىڭ اكىمى سەرىكباي ترۇموۆتىڭ وكىمىمەن ماڭعىستاۋ وبلىسى ءدىن ىستەرى باسقارماسىنىڭ باسشىسى قىزمەتىنە ماقساتبەك ماحانبەتوۆ تاعايىندالدى.
ماقساتبەك شاحزادا ۇلىنىڭ ءبىلىمى جوعارى, 1998 جىلى سەمەي مەملەكەتتىك ۋنيۆەرسيتەتىن, 2003 جىلى ش. ەسەنوۆ اتىنداعى كاسپي مەملەكەتتىك تەحنولوگيالار جانە ينجينيرينگ ۋنيۆەرسيتەتىن بىتىرگەن.
ەڭبەك جولىن 1990 جىلى «الماتااگروسپەتسستروي» ترەستى سپمك-1 مەكەمەسىندە قۇرىلىسشى-بەتونشى بولىپ باستاعان.
1991-1993 جىلدارى № 35748, № 18351 اسكەري بولىمدەرىندە مەرزىمدى اسكەري قىزمەتتە بولعان.
1998-2000 جىلدارى الماتى قالاسىنداعى № 124 ورتا مەكتەبىندە قازاق ءتىلى ءپانىنىڭ مۇعالىمى.
2000-2003 جىلدارى ورتكە قارسى قىزمەت ورگاندارىندا, 2003-2004 جىلدارى «سەنىمدى قۇرىلىس» جاۋاپكەرشىلىگى شەكتەۋلى سەرىكتەستىگىندە قىزمەتتە بولىپ, 2004-2005 جج. ماڭعىستاۋ وبلىستىق ءبىلىم باسقارماسىنىڭ «وتباسىلىق ۇلگىدەگى بالالار اۋىلى» مەملەكەتتىك مەكەمەسىنىڭ ديرەكتورى, 2006-2007 جىلدارى «جاستار جەتىستىكتەرى» قوعامدىق قورىندا ادىسكەر, 2007 - 2008 جج. ماڭعىستاۋ وبلىسى اكىمىنىڭ اپپاراتىندا ۇيىمدىق-ينسپەكتورلىق ءبولىمىنىڭ باس مامانى, باس ينسپەكتورى بولىپ قىزمەت اتقاردى.
2008 جىلدان قازىرگى ۋاقىتقا دەيىن ارنايى مەملەكەتتىك ورگاندا قىزمەتتە بولعان.