ەلوردا اكىمى ونكولوگيالىق ورتالىق پەن قازاق دراما تەاترىنىڭ قۇرىلىس بارىسىمەن تانىستى. بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى.
قالا اكىمى التاي كولگىنوۆ عيماراتتارعا كوممۋنيكاتسيالىق جانە ينجەنەرلىك جەلىلەردى ۋاقىتىندا جەتكىزىپ, اۋماقتى اباتتاندىرۋ قاجەتتىگىن اتاپ ءوتتى.
ونكوورتالىقتا وبىر اۋرۋلارىن دياگنوستيكالاۋ مەن ەمدەۋدىڭ وزىق تەحنولوگيالارى پايدالانىلاتىن بولادى. جىل سايىن مەديتسينالىق ورتالىقتا 6 مىڭ پاتسيەنت ستاتسيونارلىق كومەك, ال 30 مىڭنان استام ادام امبۋلاتورلىق كومەك الا الادى.
اكىم بارعان ەكىنشى نىسان ج. ناجىمەدەنوۆ, ا. بايتۇرسىنوۆ جانە 23-15 كوشەلەرىنىڭ قيىلىسىندا ورنالاسقان قازاق دراما تەاترى. كەشەن 800 ورىنعا ەسەپتەلگەن جانە 3 قاباتتان تۇرادى. قۇرىلىستى بيىل اياقتاۋ جوسپارلانىپ وتىر.