بەردىبەك ساپارباەۆتىڭ توراعالىعىمەن 2019 جىلعى جەلتوقساندا جاڭاوزەن قالاسىندا قۇرامىنا ەڭبەك جانە حالىقتى الەۋمەتتىك قورعاۋ, ۇلتتىق ەكونوميكا, اۋىل شارۋاشىلىعى, ءبىلىم جانە عىلىم مينيسترلىكتەرىنىڭ, ماڭعىستاۋ وبلىسى اكىمدىگىنىڭ, «اتامەكەن» ۇكپ, «سامۇرىق-قازىنا» ۇاق» اق, «قازمۇنايگاز» ۇك وكىلدەرى كىرگەن جۇمىسپەن قامتۋ ماسەلەلەرىن شەشۋ جونىندەگى جۇمىس توبى قۇرىلىپ, جاڭاوزەن قالاسىندا كاسىپكەرلىكتى دامىتۋ جانە جۇمىسپەن قامتۋدى ىنتالاندىرۋ جونىندەگى جول كارتاسىن ازىرلەدى جانە بەكىتتى. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتى حابارلادى.
ەڭبەك جانە حالىقتى الەۋمەتتىك قورعاۋ مينيسترلىگى «اتامەكەن» ۇكپ-مەن بىرلەسىپ CRM اقپاراتتىق بازاسىن ەنگىزدى, ول ارقىلى جاڭاوزەندەگى جۇمىسسىز تۇرعىنداردىڭ جەكە كارتالارى قالىپتاستىرىلدى, بۇل جۇمىسپەن قامتۋعا جاردەمدەسۋ شارالارىن قاجەت ەتەتىن 2 042 ادامنىڭ الەۋمەتتىك پورترەتىن انىقتاۋعا مۇمكىندىك بەردى. ول ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ «ەڭبەك» مەملەكەتتىك باعدارلاماسىن ىسكە اسىرۋ اياسىندا اتاۋلى قولداۋ شارالارىن كورسەتۋدى جوسپارلاپ وتىر.
ورتاشا جالاقىسى 100-دەن 120 مىڭ تەڭگەگە دەيىن بولاتىن تۇراقتى جۇمىس ورىندارىنا 107 ادام جۇمىسقا ورنالاستى. 2020 جىلى تۇراقتى جۇمىس ورىندارىنا 561 ادامدى, مەملەكەت سۋبسيديالاعان جۇمىس ورىندارىنا 1 374 ادامدى جۇمىسقا ورنالاستىرۋ جوسپارلانۋدا.
ماڭعىستاۋ وبلىسىنىڭ جاڭاوزەن قالاسىن الەۋمەتتىك-ەكونوميكالىق دامىتۋدىڭ 2019-2025 جىلدارعا ارنالعان كەشەندى جوسپارىنىڭ اياسىندا تاۋار وندىرۋشىلەردى «وزەنمۇنايگاز» اق ساتىپ الۋعا تارتۋ ارقىلى ءوندىرىستى وقشاۋلاۋ جانە جۇمىس ورىندارىن قۇرۋدى ىنتالاندىرۋ جوباسى جوسپارلانۋدا.
سونداي-اق تاۋارلار مەن قىزمەتتەردى وقشاۋلاۋ بولجانىپ وتىر, قازىردىڭ وزىندە الەۋەتتى وقشاۋلاناتىن 32 بيزنەس-جوبا انىقتالدى. الدىن الا مالىمەتتەر بويىنشا, وقشاۋلاناتىن جوبالار شەڭبەرىندەگى جالاقى مولشەرى ماماننىڭ بىلىكتىلىك دەڭگەيىنە بايلانىستى 100-دەن 320 مىڭ تەڭگەگە دەيىن بولادى, 22,4 ملرد تەڭگەگە دەيىن ينۆەستيتسياسى بار 800 جۇمىس ورنى قۇرىلادى.
ءوندىرىستى وقشاۋلايتىن كاسىپكەرلەردى كادرلارمەن قامتاماسىز ەتۋ ءۇشىن «ەڭبەك» مەملەكەتتىك باعدارلاماسىنىڭ ءبىرىنشى باعىتى شەڭبەرىندە «قىسقا مەرزىمدى كاسىپتىك وقىتۋ» قۇرالى پايدالانىلاتىن بولادى.
سونىمەن قاتار كاسىپكەرلىكتى دامىتۋ ءۇشىن «100 ساۋدا نۇكتەسى» جوباسىن جۇزەگە اسىرۋ ءۇشىن 30 جەر ۋچاسكەسى انىقتالدى. بۇل جەر ۋچاسكەلەرى «كاسپي» اكك-نە 5 جىلعا جالعا بەرىلەدى.
كاسىپكەرلىك باستاماسى بار قالا تۇرعىندارى اراسىندا مەملەكەتتىك قولداۋ شارالارى تۋرالى كەڭ اقپاراتتىق-ءتۇسىندىرۋ جۇمىستارىن جۇرگىزۋ ماقساتىندا جاڭاوزەن قالاسىندا كاسىپكەرلەرگە قىزمەت كورسەتۋ ورتالىعى اشىلدى.